“Vaqt, pul va sharoit bahona emas”: To‘rtta fandan milliy sertifikat olib, muddatidan avval talaba bo‘lgan Shokirbek hikoyasi

“Vaqt, pul va sharoit bahona emas”: To‘rtta fandan milliy sertifikat olib, muddatidan avval talaba bo‘lgan Shokirbek hikoyasi

Qoraqalpogʻiston Respublikasining Beruniy tumanidagi 68-son umumiy oʻrta taʼlim maktabi bitiruvchisi Pirnazarov Shokirbek Rashid oʻgʻli toʻrtta fandan milliy sertifikatni qoʻlga kiritib, muddatidan avval talabalik baxtiga erishdi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ U repetitorga qatnamasdan, asosan YouTube darslari va mustaqil tayyorgarlik orqali yuqori natijaga erishganini aytadi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Shokirbek kelgusida Muhammad al-Xorazmiy nomidagi Toshkent axborot texnologiyalari universitetining Dasturiy injiniring yoʻnalishida tahsil olishni rejalashtirmoqda.

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

“Maqsadim – sharoit bahona emasligini isbotlash edi”⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

Shokirbekning aytishicha, u sertifikat olishni faqat talaba boʻlish uchun emas, balki koʻpchilik bahona qiladigan omillar muvaffaqiyatga toʻsqinlik qila olmasligini koʻrsatish uchun boshlagan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

“Men oddiy qishloqda yashayman, oddiy maktabda oʻqidim.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Maqsadim vaqt, pul va sharoitni muammo qiladiganlarga bular muvaffaqiyatga toʻsqinlik qila olmasligini isbotlash edi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Insonda qatʼiyat va oʻziga ishonch boʻlsa, u istagan natijasiga erisha oladi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Men buni oz boʻlsada uddaladim, deb oʻylayman” — deydi abituriyent.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

Milliy sertifikatlar orqali u matematikadan A+, fizikadan A+, tarixdan C+, ona tili va adabiyotidan esa B+ darajasini qoʻlga kiritgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Matematikaga 10 oy, fizikaga 11 oy tayyorlangan boʻlsa, tarix uchun 21 kun, ona tili uchun esa 17 kun vaqt ajratgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Uning aytishicha, qisqa muddat tayyorlangan fanlarda maktabda olingan bilimlar ham katta yordam bergan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

Shokirbek repetitor xizmatidan umuman foydalanmagan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

“Repetitorga umuman pul sarflamadim.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Xarajatlarim faqat kitoblar, oʻquv qoʻllanmalari va sertifikat imtihonlariga roʻyxatdan oʻtish bilan bogʻliq boʻldi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Hammasini hisoblaganda taxminan 4 million soʻm atrofida mablagʻ ketgan” — deydi u.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

“Avval bilim, keyin vaqt bilan ishlash kerak”

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

Shokirbek kuniga oʻrtacha 4–5 soat sertifikatlarga tayyorgarlik koʻrgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Asosan tushdan keyin va kechqurun dars qilgan, qolgan vaqtini maktab vazifalari hamda uy yumushlariga ajratgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

“Har kunimni reja asosida tashkil qilganman.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Uyqu vaqtim ham, dars qilish vaqtim ham oldindan belgilangan edi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Shu sabab maktab va sertifikat tayyorgarligini birgalikda olib borishda qiyinchilik boʻlmadi”— deydi Shokirbek.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

Uning fikricha, eng samarali usullardan biri avval mavzuni puxta oʻzlashtirib, keyin vaqtga ishlashdir.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

“Avval bilim olish kerak.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Keyin taymer qoʻyib test ishlash orqali imtihon muhitini yaratish lozim.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Shunda haqiqiy imtihonda vaqt taqsimoti ham, hayajon ham muammo boʻlmaydi”.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

Shokirbekning aytishicha, tayyorgarlik davomida tushkunlik holatlari ham kuzatilgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Bunday paytda u darsni vaqtincha toʻxtatib, dam olishga harakat qilgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

“Bu tabiiy holat.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Charchoq boʻlganda tiklanishga vaqt ajratish kerak.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Menga oʻzimga boʻlgan ishonch va ota-onamning ishonchini oqlash istagi kuch berdi” — deydi oʻquvchi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

“Telefonni chalgʻituvchi emas, yordamchi vositaga aylantirish kerak”

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

Koʻpchilik telefonni oʻquvchini chalgʻitadigan omil deb hisoblaydi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Shokirbek esa undan toʻgʻri foydalanish muhimligini taʼkidlaydi:⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

“Telefonning oʻzi muammo emas.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Uni qanday maqsadda ishlatishingiz muhim.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Men undan darslar koʻrish, kerakli maʼlumotlarni izlash va sunʼiy intellektdan yordamchi sifatida foydalanish uchun foydalandim”.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

Milliy sertifikat olishni maqsad qilgan oʻquvchilarga esa u bir maslahat beradi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

“Bu erishib boʻlmaydigan orzu emas.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Eng muhimi, harakatdan toʻxtamaslik va oʻzingizga ishonish” — deydi u.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

Shuningdek, uning fikricha, maktablarda oʻquvchilarning eʼtiborini mutaxassislik fanlariga koʻproq qaratish zarur.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

Hozirda Shokirbek ingliz tilini oʻrganmoqda.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

“Dasturlash sohasidagi asosiy manbalar ingliz tilida.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠ Shu sabab hozir ingliz tilini puxta oʻrganishga harakat qilyapman” — deydi Shokirbek.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠

Avvalroq, 10-sinf oʻquvchisi 5 ta milliy sertifikat bilan muddatidan oldin maksimal ball toʻplagani haqida xabar bergan edik.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌⁠⁠