“Ilmiy daraja uchun poyga ketyapti, sifat son bilan almashtirilmoqda” – Senator Oral Ataniyazova

“Ilmiy daraja uchun poyga ketyapti, sifat son bilan almashtirilmoqda” – Senator Oral Ataniyazova

Bu yil mamlakatda 5,5 mingta dissertatsiya himoya qilingani ilmiy daraja uchun “poyga” borligini ko‘rsatadi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Bu haqda Oliy Majlis Senatining Fan, ta’lim va sog‘liqni saqlash masalalari qo‘mitasi raisi o‘rinbosari Oral Ataniyazova Toshkent davlat iqtisodiyot universitetida bo‘lib o‘tgan Erasmus+ ekspertlarining “Oliy ta’limni rivojlantirish istiqbollari” xalqaro konferensiyasida so‘zladi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Bu haqida anjumanda ishtirok etgan Talimxabarlari.uz muxbiri xabar bermoqda.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

Muammo faqat bizda emas

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

Senator so‘zining boshida ilmiy tadqiqotlar sohasidagi muammolar faqat O‘zbekistonga xos emasligini, bu global tendensiya ekanini ta’kidladi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

“Bugun nafaqat O‘zbekistonda, nafaqat Markaziy Osiyoda, balki butun dunyoda ilmiy tadqiqotlar inqirozi kuzatilmoqda.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Uning asosiy ko‘rinishlari — sifatni son bilan almashtirish.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Olimlarni tadqiqotning ahamiyatiga qarab emas, raqamlarga qarab baholashyapti.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

Sifatsiz maqola va dissertatsiyalar soni ortib bormoqda.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Har qanday maqolani hech qanday tekshiruvsiz pulga chop etadigan “yirtqich” jurnallar ko‘payib ketdi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Ma’lumotlarni soxtalashtirish, plagiat holatlari ham bor”, — dedi Oral Ataniyazova.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

“Men bir nechta ilmiy kengash a’zosiman.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Tayyorlangan ilmiy ishlarni ko‘rganimizda plagiat, tadqiqotning ishonchliligi va dissertatsiyalar darajasi bilan bog‘liq masalalar, albatta, ko‘p narsani orzu qilishga majbur qiladi”, — deydi senator.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

“Tayyor taqrizni faqat imzolash qoladi”

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

Oral Ataniyazova taqriz tizimidagi kamchiliklarni alohida og‘riqli masala sifatida tilga oldi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Senatorning so‘zlariga ko‘ra, ayrim hollarda taqrizlar ishni chuqur o‘rganmasdan, rasmiyatchilik uchun beriladi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ U fikrini OAKning ochiq ma’lumotlari bilan asosladi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

“Taqriz tizimining takomillashmagani ham katta muammo.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Tayyor taqrizlar beriladi, faqat imzolash qoladi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Unda nima yozilgani, qanday yozilgani esa qiziqtirmaydi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Tayyor maqola va dissertatsiyalar sotilishi masalasi ham bor.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

OAK ma’lumotlari yashirin emas, ochiq: joriy yilning o‘zida mamlakatimizda 5,5 mingta dissertatsiya himoya qilindi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Bu, albatta, ilmiy daraja uchun poyga — kerak joyda ham, kerak bo‘lmagan joyda ham”, — deydi Oral Ataniyazova.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

Raqamlar nima deydi?

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

O‘zbekistonda ilmiy darajalar, himoyalar ochiqligi va ilmiy nashrlar sifati.
01 — DISSERTATSIYA HIMOYALARI (2024)
3 400+
PhD va DSc himoyalari
33%
1 130 ta himoya jonli efirga uzatilgan
152 ta tashkilot sayti o‘rganilgan.
100 dan ortig‘ida himoyani cheklovsiz ko‘rish imkoni bo‘lmagan.
02 — ILMIY DARAJALILAR (2026-YIL 1-YANVAR)
15,5 ming
PhD darajasiga ega tadqiqotchilar
4,8 ming
DSc darajasiga ega tadqiqotchilar
+60%
Fan doktorlari sonining bir yillik o‘sishi (+1,8 ming nafar)
03 — ILMIY NASHRLAR MUAMMOSI
98%
2018-yilda xalqaro jurnallarda qabul qilingan maqolalar orasida haqiqiy taqrizdan o‘tkazilmaydigan nashrlarga to‘g‘ri kelgan ulush.
9 / 1000
2023-yilda har mingta maqoladan qaytarib olingani
TOP-10
O‘zbekiston 2025-yilda maqolalari ko‘p qaytarib olingan davlatlar o‘ntaligida
04 — IJOBIY O‘ZGARISH
Q1–Q2 jurnallardagi maqolalar ulushi
2024 — 33,6%
2025 — 50,3%
+16,7 foiz punkt
Nufuzli jurnallardagi maqolalar ulushining o‘sishi
Manba: Vazirlik
05 — REJALASHTIRILAYOTGAN ISLOHOT
2027
1-yanvardan yangi tizim
Ilmiy ishlar va dissertatsiya himoyasi bosqichlariga oid talablarni o‘zgartirish rejalashtirilmoqda.
TALIMXABARLARI.UZ | Statistik ko‘rsatkichlar turli davrlarga tegishli.

“Olim jamoada shakllanishi kerak”

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

Senator chiqish davomida haqiqiy olim qanday sharoitda yetishishi kerakligi haqida ham to‘xtaldi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Uning fikricha, ilmiy daraja yakka tartibda emas, har bir natija jamoa oldida himoya qilinadigan muhitda olinishi kerak.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

“Menimcha, olimlar ilmiy muhitda, ma’lumotlar muhokama qilinadigan, hammasi jamoada tasdiqlanadigan sharoitda shakllanishi kerak.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Men 15 yildan ortiq Rossiyada ilmiy stajirovka o‘taganman, nomzodlik va doktorlik dissertatsiyalarimni Moskvada himoya qilganman.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ O‘shanda har bir maqolani 200 kishi oldida muhokama qilardik.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Savol berishardi, har bir ma’lumot so‘ralardi va isbotlanardi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Ilm-fan — bu haqiqat, bu ilmiy yangilik, yangi narsani kashf etish.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Ba’zan tibbiyotdagi birgina noyob operatsiya ham ilmiy ishga asos bo‘lishi mumkin.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Minglab holatlar ortidan quvishning hojati yo‘q”, — dedi u.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

Senat olimlardan taklif kutmoqda

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

Oral Ataniyazova parlamentning ilm-fan sohasidagi vakolatlariga ham to‘xtaldi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Senat qonunchilik asoslarini yaratadi, ilmiy tadqiqotlar uchun byudjetni tasdiqlaydi va qabul qilingan hujjatlar ijrosini nazorat qiladi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Shu bois senator olimlarni byudjet muhokamasida faol bo‘lishga chaqirdi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

“Ilm-fandagi “o‘yin qoidalari”ni parlament belgilaydi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Senat me’yorlarni o‘rnatadi, ilmiy tadqiqotlar uchun byudjetni tasdiqlaydi va qabul qilingan hujjatlar ijrosi ustidan parlament nazoratini olib boradi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Davlat byudjetini tasdiqlayotganimizda Fanlar akademiyasi va ilmiy markazlardan sizga qanday maqsadli tadqiqotlar, kutubxonalar, akademik mobillik uchun mablag‘ yetishmayotgani haqida fikr-mulohazalarni ko‘rishni istardik.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Iltimos, faol bo‘ling”, — dedi senator.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

Belarus jurnallari va Germaniya vizasi

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

Oral Ataniyazova Senatning xalqaro parlamentlararo aloqalari olimlar uchun qanday amaliy imkoniyatlar ochishini ham misollar bilan ko‘rsatdi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Senat Belarus, Rossiya, Vyetnam va Germaniyaning tegishli qo‘mitalari bilan parlamentlararo shartnomalarga ega.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

“Yaqinda O‘zbekiston Senatining Fan va ta’lim qo‘mitasi Belarus parlamentining Fan va ta’lim qo‘mitasi bilan shartnoma tuzdi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Belarus 16 ta ilmiy jurnal chiqaradi, ulardan 12 tasi xalqaro ilmiy bazaga kiritilgan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Maqola chop etish narxi 30–50 dollar.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Butun ro‘yxat bizga topshirilgan, iltimos, yozing.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Belarus hamkorlarimiz bu jurnallarni O‘zbekiston OAK ham tan olishini istaydi”, — dedi senator.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

U Germaniya bilan bo‘lgan uchrashuvda olimlarning viza muammosi ko‘tarilganini ham aytdi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

“Yaqinda Germaniya bilan uchrashuv bo‘ldi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Olimlarimiz konferensiyalarga borishda viza tartibida katta muammolarga duch kelishini darhol ko‘tardim.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Bu tartib juda murakkab.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Germaniya elchixonasi bizga ‘xat yozing, vizani yengillashtiramiz’ dedi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Iltimos, Senat orqali ishlang, bizga yozing.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Biz doim hamkorlikka tayyormiz”, — dedi Oral Ataniyazova.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

Senator O‘zbekistonda hali ochilmagan ilmiy mavzular va salohiyat ko‘pligini ta’kidladi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠

“O‘zbekistonda ochilmagan mavzular, ochilmagan salohiyat juda ko‘p.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Chunki doim qandaydir Yevropa standartlari tan olinib kelingan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Holbuki, bizda o‘zimizning an’anaviy, juda chuqur va yuksak darajadagi ilmiy maktablarimiz bor.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠ Biz doim sizni qo‘llab-quvvatlashga tayyormiz”, — dedi u.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌⁠‌‌‌‌‌‌‌‌‌‌⁠⁠