Sirdaryo viloyati Xovos tumani 17-umumta’lim maktabining 10-sinf o‘quvchisi Ergashev Sardorbek Sobit o‘g‘li bir necha fandan milliy sertifikatlarga ega bo‘ldi.
U 4 ta fan bo‘yicha sertifikatni qo‘lga kiritib, 188,5 ball bilan muddatidan avval talaba bo‘ldi.
Natijalar:
O‘zbek tili va adabiyoti – 60.64 ball (B+)
Tarix – 64.45 ball (B+)
Matematika — 63.42 ball (B+)
Ingliz tili – CEFR B2:
— Tinglab tushinish (Listening) – 64
— O‘qish (Reading) – 65
— Yozish (Writing) – 59
— Gapirish (Speaking) – 57
Avvalroq, Sirdaryo viloyati Xovos tumani 17-umumta’lim maktabi 11-sinf o‘quvchisi O‘rolova Laylo bir necha fandan milliy sertifikatlarni qoʻlga kiritganligi haqida xabar bergan edik.
Ma’lumot uchun, test natijalari xalqaro metodika – Rash modeli asosida hisoblangan bo‘lib, talabgorlarga to‘plagan bali asosida quyidagicha sertifikat taqdim etiladi:
70 balldan yuqori ball — A+ daraja;
65 – 69,9 ball — A daraja;
60 – 64,9 ball — B+ daraja;
55 – 59,9 ball — B daraja;
50 – 54,9 ball — C+ daraja;
46 – 49,9 ball — C daraja.
Sertifikatga ega abituriyentlarga OTMlarning bakalavriatiga kirish test sinovlarida quyidagi tartibda ball beriladi:
- A+, A darajali sertifikat uchun — tegishli mutaxassislik fanidan maksimal ball;
- B+, B, C+, C darajali sertifikat uchun — tegishli mutaxassislik fanidan proporsional ball;
- A+, A, B+, B, C+, C darajali sertifikat uchun — tegishli majburiy fandan maksimal ball.
Akademik litseylarga kirish test sinovlarida sertifikati mavjud o‘quvchilarga tegishli fandan maksimal ball beriladi.
