O‘zbekistonda maktab o‘quvchilari uchun tashkil etilayotgan “Milliy kitobxonlik harakati” tanlovi yoshlarning mutolaa savodxonligini oshirish va kitobxonlikka qiziqishini rag‘batlantirishga qaratilgan. Bu haqda Yoshlar ishlari agentligi xabar berdi.
O‘zbekistonda 1–11-sinf o‘quvchilari o‘rtasida kitobxonlikni rivojlantirish va mutolaa savodxonligini oshirishga qaratilgan “Milliy kitobxonlik harakati” umummilliy tanlovi tashkil etilmoqda. Tanlovning bosh sovrini 50 ming AQSH dollarini tashkil etadi.
Tanlov o‘quvchilarning kitob o‘qishga bo‘lgan qiziqishini rag‘batlantirish, bilim olishga intilishini qo‘llab-quvvatlash hamda mutolaa ko‘nikmalarini rivojlantirish maqsadida o‘tkaziladi.
Ishtirokchilar uchta toifa bo‘yicha bellashadi:
- 1–5-sinf o‘quvchilari;
- 6–8-sinf o‘quvchilari;
- 9–11-sinf o‘quvchilari.
Har bir toifa uchun o‘qilishi lozim bo‘lgan adabiyotlar ro‘yxati belgilangan. Tavsiya etilgan kitoblarni “Mutolaa” ilovasidan topish va tanlovga tayyorgarlik jarayonida foydalanish mumkin.
Tanlovning umumiy mukofot jamg‘armasi 240 ming AQSH dollarini tashkil etadi. Ishtirokchilar belgilangan adabiyotlarni mutolaa qilish va o‘z bilimlarini sinovdan o‘tkazish orqali tanlovda qatnashish imkoniyatiga ega bo‘ladi.
