Musiqa fani o‘qituvchilari hamda san’at va madaniyat maktablari pedagoglari uchun attestatsiya doirasidagi malaka sinovlari ijodiy va nazariy shakllarda o‘tkaziladi. Sinovlarning hududlar kesimidagi manzillari va sanalari tasdiqlangan reja-grafikda belgilangan.
Joriy yilning 2-noyabridan 21-noyabrigacha ayrim pedagog kadrlar uchun attestatsiya doirasida o‘quv fanidan malaka sinovlari tashkil etiladi.
Sinovlarda bolalar musiqa va san’at maktablari, ixtisoslashtirilgan san’at va madaniyat maktablari hamda maktab-internatlari, oliy maktablari, Milliy gvardiya Harbiy musiqa akademik litseyi mutaxassislik fanlari pedagoglari, shuningdek, umumiy o‘rta ta’lim maktablarining “Musiqa madaniyati” fani o‘qituvchilari ishtirok etadi.
Malaka sinovlari ijodiy va nazariy shakllarda o‘tkaziladi. Nazariy sinovlar og‘zaki yoki yozma shaklda tashkil etilishi belgilangan.
Toifa sinovlarida ishtirok etish uchun pedagoglardan shaxsni tasdiqlovchi hujjat hamda murojaat yuborish vaqtida to‘ldirilgan so‘rovnoma talab etiladi.
Pedagoglar sinovlarning o‘tkazilish joyi, manzili va aniq sanasi bilan hududlar kesimidagi reja-grafik orqali tanishishlari mumkin.
Kuzgi attestatsiya sinovlari oʻtkaziladigan joy manzillari — bu yerda
2026-yil avgust-dekabr oylarida o‘tkaziladigan attestatsiya imtihoni sanalari — bu yerda
Geolokatsiyalar:
Qoraqalpog‘iston Respublikasi
Andijon viloyati
Buxoro viloyati
Farg‘ona viloyati
Jizzax viloyati
Namangan viloyati
Navoiy viloyati
Qashqadaryo viloyati
Samarqand viloyati
Sirdaryo viloyati
Surxondaryo viloyati
Toshkent shahar
Toshkent viloyati
Xorazm viloyati
