Sertifikatli abituriyentlar soni oshmoqda: maksimal ball berish mexanizmi qayta ko‘rib chiqilmoqda

Sertifikatli abituriyentlar soni oshmoqda: maksimal ball berish mexanizmi qayta ko‘rib chiqilmoqda

Milliy sertifikat bilan oliy ta’lim tashkilotlariga hujjat topshirayotgan abituriyentlar soni yil sayin oshib borayotgani sababli ularga maksimal ball berish mexanizmi qayta ko‘rib chiqilmoqda.

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

Bu haqda Oliy ta’lim, fan va innovatsiyalar vaziri o‘rinbosari Sardor Rajabov “2026-2027 o‘quv yili uchun oliy ta’lim tashkilotlariga qabul natijalari: yakuniy ko‘rsatkichlar va keyingi qadamlar” mavzusidagi matbuot anjumanida ma’lum qildi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

Anjumanda milliy va xalqaro sertifikatlarga ega abituriyentlar sonining ortishi o‘tish ballariga qanday ta’sir ko‘rsatayotgani hamda kelgusida bu jarayon davlat test sinovlarini qisqartirishi mumkinligi haqida savol berildi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠ Rajabov javobida, asosan, milliy sertifikat tizimiga to‘xtaldi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

Uning aytishicha, milliy sertifikat imtihonlari oliy ta’limga kirish testlaridan baholash tartibi bilan farq qiladi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠ Kirish testlarida yopiq savollar qo‘llansa, milliy sertifikat imtihonlarida ochiq topshiriqlar ham beriladi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠ Natijalar esa xalqaro baholash metodikasi — Rash modeli asosida hisoblanadi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠ Shu bois taxminiy javob orqali ball olish ehtimoli milliy sertifikat imtihonlarida kamroq.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

Rajabov milliy sertifikat bilan hujjat topshirayotganlar sonining ko‘payishini ijobiy holat deb baholadi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠ Uning so‘zlariga ko‘ra, ko‘plab o‘quvchilar bitiruvchi sinflardanoq fanlar bo‘yicha sertifikatlarni bosqichma-bosqich olishga harakat qilmoqda.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

Biroq sertifikat asosida maksimal ball berilishi ko‘plab abituriyentlarning bir xil yuqori natija atrofida to‘planib qolishiga olib kelishi mumkin.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠ Bu esa o‘tish ballarining shakllanishiga ta’sir ko‘rsatadi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠ Rajabov ushbu ta’sir bo‘yicha aniq ko‘rsatkich keltirmadi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

Ayni paytda maksimal ball berishning amaldagi tartibi Bilim va malakalarni baholash agentligi bilan hamkorlikda o‘rganilmoqda.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠ Tahlillar jarayonida bu mexanizmning qanchalik asosli ekani va qabul natijalariga ta’siri ko‘rib chiqiladi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

Vazir o‘rinbosarining fikricha, bir necha yildan keyin milliy sertifikat bilan hujjat topshiradigan abituriyentlar soni odatiy test sinovlarida qatnashadiganlar sonidan oshishi mumkin.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠

Biroq davlat test sinovlarini qisqartirish bo‘yicha hozircha qaror e’lon qilinmagan.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠ Rajabov bu tendensiyani oldindan hisobga olish va qabul mexanizmlarini shunga muvofiq takomillashtirish zarurligini ta’kidladi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌‌⁠‌‌‌⁠‌‌‌‌‌‌‌‌⁠⁠