2026/2027-o‘quv yilida oliy ta’lim tashkilotlariga kirish test sinovlari o‘tkazilishi rejalashtirilgan binolar va ularga biriktirilgan oliy ta’lim tashkilotlari ro‘yxati aniq bo‘ldi. Joriy yilda oliy ta’lim muassasalariga kirish test sinovlarini respublika bo‘yicha 81 ta yopiq inshootda (katta sig‘imli bino va sport majmualarida) o‘tkazish rejalashtirilmoqda.
Tasdiqlangan ro‘yxatda quyidagi ma’lumotlar aks etgan:
– Test sinovi o‘tkaziladigan joy nomi;
– Test sinovi o‘tkaziladigan joy manzili;
– Joylarning Google xaritadagi joylashuvi (geolokatsiyasi);
– Bino sig‘imi;
– Biriktirilgan oliy ta’lim tashkilotlari.
Shuningdek, @mandat_javobbot Telegram botiga sunʼiy intellekt integratsiya qilingan. Bot orqali abituriyentlar test ishlab, oʻz bilim darajasini sinab koʻrishi mumkin. Test yakunlangach, sunʼiy intellekt natijalarni tahlil qilib, toʻplangan ball asosida qaysi oliy taʼlim muassasalari va taʼlim yoʻnalishlariga kirish imkoniyati yuqoriroq ekanini koʻrsatadi. Foydalanuvchilar oʻz natijasiga mos yoʻnalishlarni tanlashi, oʻtgan yillardagi oʻtish ballari bilan tanishishi hamda ularni viloyatlar kesimida solishtirib, qaysi hududdagi oliygohlarga hujjat topshirish maqsadga muvofiqligini aniqlashi mumkin.
Avvalroq, abituriyentlar uchun ruxsatnomalar e’lon qilingani haqida xabar bergan edik.
