Vakant o‘rinlarga qo‘shimcha tanlov qachondan boshlanadi?

Vakant o‘rinlarga qo‘shimcha tanlov qachondan boshlanadi?

2026/2027-o‘quv yili uchun davlat OTMlarida to‘lmay qolgan vakant o‘rinlarga qo‘shimcha tanlovni 22–23-avgust kunlari boshlash rejalashtirilmoqda.⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠ Hozirda vakant o‘rinlar bo‘yicha kvotalarni hisoblash ishlari olib borilmoqda.

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠

Bugun, 17-avgust kuni Bilim va malakalarni baholash agentligi ishtirokida 2026/2027-o‘quv yilida oliy ta’lim muassasalariga qabulning yakuniy natijalariga bag‘ishlangan matbuot anjumani o‘tkazildi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠

Matbuot anjumanida talabalikka tavsiya etilmagan abituriyentlar uchun davlat OTMlarida qolgan vakant o‘rinlarga qo‘shimcha tanlov o‘tkazilishi yuzasidan ham ma’lumot berildi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠

Unga ko‘ra, vakant o‘rinlarga qo‘shimcha tanlov uchun ro‘yxatdan o‘tish 22–23-avgust kunlari boshlanishi rejalashtirilmoqda.⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠ Hozirda vakant o‘rinlar bo‘yicha kvotalarni hisoblash ishlari olib borilmoqda.⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠ Shu sababli vakant o‘rinlarning yakuniy soni, yo‘nalishlar va ro‘yxatdan o‘tishning aniq muddatlari keyinroq ma’lum qilinadi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠

Amaldagi tartibga ko‘ra, kirish imtihonlarida minimal ballni to‘plagan, biroq talabalikka tavsiya etilmagan abituriyentlar fanlar majmuasi va ta’lim tili mos keladigan vakant yo‘nalishlar uchun tanlovda ishtirok etishi mumkin.⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠

Tanlovda abituriyentlarning to‘plagan ballari bo‘yicha reyting ketma-ketligiga qat’iy rioya qilinadi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠ Vakant o‘rinlarga qabul bazaviy to‘lov-kontrakt asosida amalga oshiriladi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠

Ma’lumot uchun, 2025-yilgi qabulda vakant o‘rinlar uchun qo‘shimcha tanlovga ro‘yxatdan o‘tish 25-sentabrdan 3-oktabrgacha davom etgan.⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠ Bunda abituriyentlarga fanlar majmuasi hamda ta’lim tiliga mos bo‘lgan 5 tagacha OTM va ta’lim yo‘nalishini tanlash imkoniyati berilgan edi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠

Shuningdek, o‘tgan yilgi vakant yo‘nalishlar bo‘yicha o‘tish ballari va boshqa ma’lumotlarni @mandat_javobbot Telegram boti orqali ko‘rish mumkin.⁠⁠‌‌‌‌‌‌‌‌⁠‌‌‌‌‌‌‌‌⁠‌‌⁠‌‌‌‌‌‌‌‌‌‌⁠‌‌‌‌⁠⁠