Magistrlik dissertatsiyasi baholari yuzasidan apellyatsiyaning yangi tartibi tasdiqlandi: endi sudga ham murojaat qilish mumkin

Magistrlik dissertatsiyasi baholari yuzasidan apellyatsiyaning yangi tartibi tasdiqlandi: endi sudga ham murojaat qilish mumkin

Magistrlik dissertatsiyasi himoyasida qoʻyilgan baholarni qayta koʻrib chiqish imkoniyati yaratildi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠ Vazirlar Mahkamasining yangi qarori bilan bitiruvchilarning apellyatsiya berish va komissiya qarori ustidan sudga murojaat qilish tartibi belgilandi.

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

Vazirlar Mahkamasining 2026-yil 30-iyundagi 353-son “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qarori bilan magistratura tizimiga oid qator oʻzgartirishlar kiritildi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

Mazkur qaror bilan Vazirlar Mahkamasining 2015-yil 2-martdagi 36-son qarori bilan tasdiqlangan “Magistratura toʻgʻrisida”gi nizom yangi 45¹–45⁵-bandlar bilan toʻldirildi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

Endilikda magistrlik dissertatsiyasini baholash natijasidan norozi boʻlgan bitiruvchilarning murojaatlarini koʻrib chiqish uchun oliy taʼlim tashkiloti rektori (yoki filial direktori) buyrugʻi bilan apellyatsiya komissiyasi tashkil etiladi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

Apellyatsiya komissiyasi oliy taʼlim muassasasining ilmiy-pedagogik xodimlari, tegishli soha korxona va tashkilotlarining malakali mutaxassislari hamda turdosh oliy taʼlim muassasalarining tajribali professor-oʻqituvchilari va ilmiy xodimlaridan iborat kamida 5 nafar aʼzodan shakllantiriladi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠ Bunda oliy taʼlim muassasasining ilmiy-pedagogik xodimlari komissiya umumiy tarkibining 40 foizigacha qismini tashkil etishi mumkin.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

Shuningdek, joriy yilda magistrlik dissertatsiyasini baholash jarayonida ishtirok etgan komissiya aʼzolari apellyatsiya komissiyasi tarkibiga kiritilmaydi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

Yangi tartibga koʻra, magistrlik dissertatsiyasi himoyasida qoʻyilgan bahodan norozi boʻlgan bitiruvchi baholar eʼlon qilingan kundan boshlab 72 soat ichida apellyatsiya komissiyasiga murojaat qilish huquqiga ega.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

Apellyatsiya komissiyasi murojaatni 24 soat ichida koʻrib chiqadi hamda shikoyatni qanoatlantirish yoki uni rad etish toʻgʻrisida qaror qabul qiladi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠ Qaror nusxasi qabul qilingan kunning oʻzida bitiruvchiga taqdim etiladi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

Bundan tashqari, apellyatsiya komissiyasi qaroridan norozi boʻlgan bitiruvchi qonunchilikda belgilangan tartibda sudga murojaat qilishi mumkin.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠

Avvalroq, magistratura mutaxassisliklariga hujjatlar qabuli boshlanganligi haqida xabar bergan edik.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌⁠‌‌‌‌‌‌‌⁠‌‌‌‌⁠⁠