5-sinfdan boshlangan orzu: buxorolik bitiruvchi SAT, IELTS va CEFR sertifikatlarini qo‘lga kiritdi

5-sinfdan boshlangan orzu: buxorolik bitiruvchi SAT, IELTS va CEFR sertifikatlarini qo‘lga kiritdi

Buxoro viloyati Qorovulbozor ixtisoslashtirilgan maktabining 11-sinf bitiruvchisi Gadoyev A’zam Shuhratovich SAT imtihonidan 1220 ball, IELTS’dan 6.5 ball hamda ingliz tili bo‘yicha CEFR C1 darajasini qo‘lga kiritdi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Bugungi kunda uning asosiy maqsadi xorijdagi nufuzli universitetlardan birida grant asosida tahsil olib, orttirgan bilim va tajribasini yurt ravnaqi yo‘lida qo‘llashdir.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Talimxabarlari.uz sayti muxbiri mazkur o‘quvchi bilan sertifikatga tayyorgarlik jarayoni va rejalari haqida suhbatlashdi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Bitiruvchining aytishicha, u ingliz tilini 5-sinfdan boshlab jiddiy o‘rganishni boshlagan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Chet tilini puxta biladigan mutaxassislarga ehtiyoj ortib borayotganini anglagan holda, kelajagini xalqaro ta’lim bilan bog‘lashga qaror qilgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Chet el universitetlarida o‘qish orqali vatanimiz taraqqiyotiga hissa qo‘shmoqchiman.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Shu maqsadda IELTS va SAT sertifikatlarini olish uchun tinimsiz harakat qildim.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

CEFR’ga tayyorgarlik uchun 2–3 oy yetarli bo‘lgan bo‘lsa, IELTS va SAT imtihonlari ancha uzoq va puxta tayyorgarlikni talab qilgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Kunlik rejaga qat’iy amal qilish uning muvaffaqiyatidagi eng muhim omillardan biri bo‘lgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Maktab darslaridan so‘ng u testlar ishlash, ingliz tilidagi badiiy kitoblarni o‘qish, matnlarni tarjima qilish, tinglab tushunish va gapirish ko‘nikmalarini muntazam rivojlantirishga vaqt ajratgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Tayyorgarlik davomida rasmiy IELTS va SAT materiallari, Cambridge nashrlari, College Board platformasi hamda turli ta’lim resurslaridan foydalangan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Shuningdek, ustozlarining tavsiyalari va muntazam mock testlar bilimlarini mustahkamlashda muhim rol o‘ynagan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Murakkab testlar, tushkunlik va mehnat samarasi

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Yuqori natijalar ortida qiyin sinovlar ham bo‘lgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Ayniqsa, SAT imtihonidagi vaqt bilan ishlash talab etiladigan topshiriqlar hamda IELTS Writing bo‘limi ustida ko‘p ishlashga to‘g‘ri kelgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Ba’zan natijalarim kutilganidek chiqmasdi yoki murakkab testlardan keyin o‘zimga bo‘lgan ishonchim pasayardi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Shunday paytlarda nima uchun bu yo‘lni boshlaganimni o‘zimga eslatardim.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Yaqinlarim va ustozlarimning qo‘llab-quvvatlashi menga yana kuch bag‘ishlardi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Imtihon kuni ham hayajon bo‘lgan, biroq muntazam mashg‘ulotlar unga ishonch bergan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Eng hayajonli lahza esa natijalar e’lon qilinishini kutish bo‘lgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Natijalarni ko‘rganida esa bir necha oy davom etgan mehnatning samarasini his qilgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Bir necha oylik mehnatning samarasini ko‘rish juda yoqimli edi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Eng muhimi, qilgan mehnatlarim bekorga ketmaganini angladim.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Shu bilan birga, yana biroz ko‘proq harakat qilganimda bundan ham yuqori natijaga erishishim mumkinligini o‘yladim, – deydi u.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

“Natija birdaniga kelmaydi”

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Bitiruvchi sertifikat olishni rejalashtirayotgan tengdoshlariga eng avvalo muntazam reja asosida ishlashni tavsiya qiladi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Uning fikricha, ko‘proq amaliy testlar ishlash, xatolarni tahlil qilish va vaqtni to‘g‘ri boshqarishni o‘rganish muvaffaqiyat kalitidir.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Bugungi kunda u bilimlarini yanada mustahkamlash ustida ishlamoqda.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Asosiy maqsadi xorijiy universitetlardan birida grant asosida tahsil olish, xalqaro tajriba orttirish va keyinchalik bu bilimlarni O‘zbekiston taraqqiyoti yo‘lida qo‘llashdir.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠ Shu bilan birga, u axborot texnologiyalari (IT) sohasiga ham katta qiziqish bildirayotganini ta’kidladi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

A’zamni o‘qishlariga muvaffaqiyat tilab qolamiz!⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠

Avvalroq, IELTS 7.0, SAT 1300 va ikkita milliy sertifikatlar olgan buxorolik o‘quvchi bilan suhbatlashilgan edi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌⁠‌‌‌‌‌⁠‌⁠⁠