“Bugungi qiyinchiliklar — ertangi g‘alabalar poydevori”: surxondaryolik o‘quvchi bir nechta milliy sertifikatni qo‘lga kiritdi

“Bugungi qiyinchiliklar — ertangi g‘alabalar poydevori”: surxondaryolik o‘quvchi bir nechta milliy sertifikatni qo‘lga kiritdi

Surxondaryo viloyati Sariosiyo tumanidagi 19-sonli umumtaʼlim maktabining 11-sinf oʻquvchisi Ochildiyeva Gulzoda Alisher qizi bir nechta fanlardan milliy sertifikatlarga ega boʻldi.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠ U Oʻzbekiston davlat jahon tillari universitetida tahsil olishni maqsad qilganini, bu natijalarga erishishda esa muntazam tayyorgarlik va oʻz ustida ishlash muhim rol oʻynaganini aytadi.

 ⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

Gulzodaning Talimxabarlari.uz saytiga ma’lum qilishicha, sertifikat olish gʻoyasi ikki yil avval paydo boʻlgan va u oʻsha paytdan boshlab maqsad sari harakat qilgan.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠ U oʻzbek tili va adabiyoti fanidan A, matematika fanidan B+, tarix fanidan B, ingliz tilidan esa CEFR B2 darajali milliy sertifikatlarni qoʻlga kiritgan.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

“Sertifikat olish gʻoyasi 2-yil avval paydo boʻlgan.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠ Maktabda yaxshi oʻqiganim sababli tayyorgarlik uncha qiyin kechmagan, faqat matematika fanida biroz qiyinchilik boʻlgan”, — deydi u.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

U ingliz tili faniga 1,5-yil, ona tiliga 7 oy, tarixga 2 oy, matematikaga esa 3 oy tayyorlanganini aytadi.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

Tayyorgarlik jarayonida u oʻquv markaziga qatnashgan, shuningdek qoʻllanmalar, testlar va YouTube platformasidagi video darslardan foydalangan.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

“Tayyorlanish vaqtida men oʻrgangan bilimlarimni takrorlashim va testda yoʻl qoʻygan xatolarimni qayta koʻrib tahlil qilganim imtihonda yaxshi natijaga erishishimga sabab boʻlgan”, — deydi Gulzoda.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

Uning fikricha, test savollari unchalik kutilganidan qiyin boʻlmagan.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠ Biroq maktab darslari bilan birga sertifikatga tayyorgarlik olib borish biroz qiyinchilik tugʻdirgan.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠ Shu sabab u erta turish va kech uxlashga majbur boʻlgan.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

“Baʼzida charchoq boʻlgan, lekin “Bugungi qiyinchiliklar ertangi g‘alabalar va muvaffaqiyatlar poydevoridir” deb oʻqishda davom etganman.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠ Bunday paytlarda ota-onam va ustozlarim meni doim qoʻllab-quvvatlab turishgan.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠ Insonda oʻziga ishonch ham boʻlishi kerak.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠ Testda yuqori ball olish uchun avval savollarni oʻqib yaxshi tushunib olish, soʻngra yaqqol koʻrinib turgan notoʻgʻri variantlarni chiqarib yuborish kerak”, — deydi Gulzoda.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

Gulzoda telefon va ijtimoiy tarmoqlarni toʻliq chalgʻituvchi vosita deb hisoblamaydi.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠ Aksincha, u ulardan oʻquv vositasi sifatida foydalangan.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

“Men telefon va ijtimoiy tarmoqlar oʻquvchini chalgʻitadi deb oʻylamayman.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠ Oʻqishni maqsad qilgan oʻquvchilar bu kabi narsalarga chalgʻimaydi.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠ Men fanlarni puxta oʻzlashtirish uchun telefondan yordamchi vosita sifatida foydalanganman.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠ Ijtimoiy tarmoqlar orqali kerakli maʼlumotlarni olganman va video darslar koʻrganman.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠ Ayniqsa, ingliz tilida listening oshishida telefon muhim oʻrin tutgan”, — deydi u.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

Tengdoshlariga esa u ilm olish uchun harakatdan toʻxtamasliklarini, doimiy mehnat qilish, toʻgʻri ustoz tanlashni hamda berilgan topshiriqlarni oʻz vaqtida bajarib borishlarini tavsiya qiladi.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

Ayni paytda Gulzoda IELTS sertifikatini olish uchun tayyorgarlik koʻrmoqda va kelajakda xorijiy universitetlarda oʻqishni maqsad qilgan.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠

Avvalroq, Buxoro viloyatining Jondor tumanidagi 33-umumiy o‘rta ta’lim maktabi 10-sinf o‘quvchisi Jumayev Sherzod bir nechta fanlardan milliy sertifikatlarni qoʻlga kiritganligi haqida xabar bergan edik.⁠⁠‌‌‌‌‌‌‌‌⁠‌‌⁠‌‌‌‌‌‌‌⁠‌‌‌‌‌‌‌‌‌⁠‌‌‌⁠⁠