“Tushkunlikka tushish — shunchaki vaqtni yo‘qotishdir”: samarqandlik o‘quvchi 6 ta sertifikat sohibasiga aylandi

“Tushkunlikka tushish — shunchaki vaqtni yo‘qotishdir”: samarqandlik o‘quvchi 6 ta sertifikat sohibasiga aylandi

Samarqand viloyati Pastdarg‘om tumani 48-maktabning 11-sinf o‘quvchisi Xuramboyeva E’zoza Rustam qizi turli fanlardan yuqori natijalarga erishib, bir nechta sertifikatlarni qo‘lga kiritdi.

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

Xususan, u kimyo va biologiya fanlaridan A, ingliz tilidan CEFR B2, o‘zbek tili va adabiyotdan B+, matematika va tarix fanlaridan esa C darajali sertifikatlarga ega bo‘ldi.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

E’zoza kelgusida Samarqand davlat tibbiyot universitetining davolash ishi yo‘nalishiga hujjat topshirishni rejalashtirmoqda.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

Talimxabarlari.uz sayti muxbiri mazkur o‘quvchi bilan sertifikatlarga tayyorgarlik jarayoni, qiyinchiliklari va keyingi rejalari haqida suhbatlashdi.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

“Tayyorgarlik katta mehnat talab qildi”

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

E’zozaning aytishicha, sertifikat olish g‘oyasi 2024-yildan boshlab shakllangan va bu jarayon katta mehnat hamda sabr talab qilgan.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

“Tayyorgarlik jarayoni juda katta mehnat va bilim talab qildi”, — deydi u.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

U turli fanlar bo‘yicha tayyorgarlik uchun har xil muddat sarflagan.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠ Ayrim fanlarga 1,5 yildan ortiq vaqt ajratgan bo‘lsa, ba’zilarini qisqa muddat — 1 oy ichida o‘zlashtirgan.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

“Reja asosida ishlasak, hammasiga ulguramiz”

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

O‘quvchi o‘z muvaffaqiyatida eng muhim omillardan biri sifatida intizom va vaqtni to‘g‘ri taqsimlashni ko‘rsatadi.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

“Agar kunimizni rejalashtirib olsak, hammasiga ulguramiz”, — deydi E’zoza.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

Uning ta’kidlashicha, bilim olishga bo‘lgan doimiy ishtiyoq va uzluksiz o‘rganish jarayoni natijalarga olib kelgan.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

“Har bir muvaffaqiyat ortida uyqusiz tunlar bor”

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

E’zoza tayyorgarlik jarayonida qiyinchiliklar ham bo‘lganini yashirmaydi.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

“Savollar qiyinlik darajasi yuqori edi, lekin bilgan o‘quvchi uchun qiyinlik qilmaydi.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠ Har qanday muvaffaqiyat ortida albatta uyqusiz tunlar bo‘ladi”, — deydi u.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

Shu bilan birga, u tushkunlikka tushmaslik muhimligini alohida ta’kidlaydi:⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

“Menda uzluksiz bilim olishga ishtiyoq bor.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠ Aslini olganda, tushkunlikka tushish shunchaki vaqtni yo‘qotish demakdir.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠ Faqatgina oldinga intilish kerak, hattoki muvaffaqiyatsizlikdan keyin ham”, — deydi o‘quvchi.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

Uning fikricha, test jarayonida vaqtni to‘g‘ri taqsimlash va yetarli bilimga ega bo‘lish kerak.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

Shuningdek, telefon va ijtimoiy tarmoqlardan foydalanishda ham muvozanatni saqlash uchun telefon ekran vaqtini nazorat qilgan.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

Ayni damda bo‘lg‘usi talaba chet tillarini o‘rganishda davom etmoqda.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

E’zozani o‘qishlariga muvaffaqiyat tilab qolamiz!⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠

Avvalroq, filologiya yo‘nalishida tahsil olishni maqsad qilgan samarqandlik 11-sinf o‘quvchisi Jamolboyeva Rayxona Zokir qizi bilan suhbatlashgan edik.⁠⁠‌‌‌‌‌‌‌‌⁠‌‌⁠‌‌‌‌⁠‌‌⁠‌‌‌‌‌‌‌‌‌‌⁠⁠