Ijtimoiy tarmoqlarda Toshkent shahri Yangihayot tumanida 4-qavatdagi balkonidan tushib ketish xavfida qolgan bola aks etgan video tarqaldi.
Shahar IIBB ma’lumotiga ko‘ra, bola 5-qavatda yashovchi talaba yigit tomonidan qutqarilgan.
Xabarga ko‘ra, talaba hech qanday himoya vositalarisiz pastga tushib, bolaning hayotini saqlab qolgan. Uning aytishicha, 4-qavat balkoniga tushganida u yerda bir nafar emas, uch nafar bola bo‘lgan.
Shuningdek, IIBB ma’lum qilishicha, mahalla profilaktika inspektori bolalarning onasi bilan profilaktik suhbat o‘tkazgan.
