Fanlar akademiyasi tizimida 9 oyda 227 ta dissertatsiya himoya qilindi

Fanlar akademiyasi tizimida 9 oyda 227 ta dissertatsiya himoya qilindi

O‘zbekiston Fanlar akademiyasi ilmiy tashkilotlarida 2026-yilning dastlabki to‘qqiz oyida ilmiy tadqiqotlar natijalari bo‘yicha 227 ta dissertatsiya himoya qilindi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠ Shu davrda olimlar xalqaro ilmiy jurnallarda yuzlab maqolalar chop ettirdi va yangi patentlar oldi.


Bu haqda Fanlar akademiyasi Axborot xizmati rahbari Sevara O‘rinboyeva ishtirokida o‘tkazilgan brifingda ma’lum qilindi.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

Qayd etilishicha, hisobot davrida ilm-fanni rivojlantirish, ilmiy kadrlar tayyorlash, xalqaro hamkorlikni kengaytirish va ilmiy ishlanmalarni amaliyotga joriy etish bo‘yicha qator ishlar amalga oshirilgan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

Jumladan, Fanlar akademiyasi tizimidagi ilmiy tashkilotlarda 180 ta falsafa doktori (PhD) va 47 ta fan doktori (DSc) dissertatsiyasi himoya qilingan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

Ilmiy nashrlar bo‘yicha jami 1 475 ta maqola chop etilgan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠ Ularning 620 tasi Scopus va Web of Science xalqaro ilmiy bazalarida indekslangan jurnallarda e’lon qilingan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠ Shuningdek, 65 ta monografiya, darslik va o‘quv qo‘llanma nashr etilgan, 18 ta patent olingan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

Akademiya faoliyatini raqamlashtirish doirasida “Fan-portal” yagona axborot tizimi ishga tushirilgan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠ Xalqaro hamkorlik yo‘nalishida esa Tojikiston, Rossiya, Qozog‘iston va Xitoy ilmiy muassasalari bilan ikki tomonlama hamkorlik bitimlari imzolangan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

Hisobot davrida bir qator amaliy ilmiy natijalarga ham erishilgan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠ Xususan, mahalliy “Sohibi” uzum navining to‘liq genomi yaratilgan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠ Misni 99 foizgacha, nikelni esa 95 foizgacha ajratib olish imkonini beruvchi texnologiya ishlab chiqilgan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

Shuningdek, Toshkent shahri hududida kuchli zilzilalar yuz berishi ehtimoli yuqori bo‘lgan o‘choqlar aniqlangan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠ Farg‘ona vodiysi uchun seysmik hududlashtirish xaritasi tuzilgan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

 ⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠

Brifingda o‘simliklarning fitokimyoviy tadqiqotlari, “Termitlarni nazorat qilish” axborot tizimi, yangi avlod materiallarini yaratish, tarixiy merosni xalqaro miqyosda targ‘ib qilish hamda ilmiy asarlarni tarjima qilish borasidagi ishlar haqida ham ma’lumot berilgan.⁠⁠‌‌‌‌‌‌‌‌‌⁠‌‌‌‌⁠‌‌‌‌‌‌‌⁠‌‌‌‌‌⁠‌‌‌‌‌‌‌‌‌‌⁠⁠