Joriy yilgi minimal o‘tish ballari ma’lum bo‘ldi

Joriy yilgi minimal o‘tish ballari ma’lum bo‘ldi

2026/2027-o‘quv yili uchun oliy ta’limga qabulda minimal o‘tish ballari o‘tgan yilgi ko‘rsatkichlar bilan bir xil bo‘ldi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠ Davlat granti uchun minimal o‘tish bali 68,0 ball, to‘lov-kontrakt uchun esa 56,7 ball etib belgilandi.

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠

Bugun, 17-avgust kuni Bilim va malakalarni baholash agentligi ishtirokida 2026/2027-o‘quv yilida oliy ta’lim muassasalariga o‘qishga kirish test sinovlari yakunlari va yakuniy tanlov natijalariga bag‘ishlangan matbuot anjumani o‘tkazildi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠

Mazkur matbuot anjumanida Talimxabarlari.uz muxbiri ham ishtirok etdi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠ Muxbirimiz tomonidan joriy yilgi minimal o‘tish ballari bo‘yicha savol berildi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠ Agentlik mutasaddilar davlat granti bo‘yicha minimal o‘tish bali — 68,0 ball, to‘lov-kontrakt bo‘yicha esa — 56,7 ball etib belgilanganini ma’lum qildi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠

Minimal o‘tish bali abituriyentning oliy ta’limga qabul qilinishi uchun to‘plashi lozim bo‘lgan eng kam ball hisoblanadi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠ Ya’ni abituriyent belgilangan kvota doirasida bo‘lsa ham, tegishli minimal balldan past natija qayd etsa, talabalikka tavsiya etilmaydi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠

Minimal o‘tish bali nafaqat talabalikka tavsiya etilishda, balki vakant o‘rinlar uchun qo‘shimcha tanlovda ishtirok etish hamda super-kontrakt asosida o‘qish imkoniyatidan foydalanishda ham muhim mezon hisoblanadi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠

Shu sababli 56,7 balldan kam ball to‘plagan abituriyentlar vakant o‘rinlar uchun qo‘shimcha tanlovda ishtirok eta olmaydi hamda super-kontrakt asosida o‘qish uchun ariza bera olmaydi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠

Amaldagi tartibga ko‘ra, minimal o‘tish ballari davlat granti va to‘lov-kontrakt uchun alohida belgilanadi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠ Mazkur ballar tegishli bakalavriat ta’lim yo‘nalishining oldingi o‘quv yilidagi o‘rtacha o‘tish ballari hisobga olingan holda Davlat komissiyasi tomonidan belgilanadi.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠

Eslatib o‘tamiz, avvalroq 2026/2027-o‘quv yili uchun davlat OTMlarida to‘lmay qolgan vakant o‘rinlarga qo‘shimcha tanlovni 22–23-avgust kunlari boshlash rejalashtirilayotganligi haqida xabar bergan edik.⁠⁠‌‌‌‌‌‌‌‌⁠‌‌‌‌‌‌‌‌⁠‌‌‌⁠‌⁠‌‌⁠⁠