«Qarshi tibbiyot texnikumi» yurtimizda o‘zining yuqori nufuziga ega bo‘lgan pofessional ta’lim tashkilotlaridan biri hisoblanadi.
Ushbu ta’lim muassasasi 2024-yilda tashkil etilgan bo’lib o‘z oldiga fan–tadqiqot–amaliyot zanjiri asosida yuqori sifatli taʼlim standartlariga asoslangan ta’lim berish hamda talabalarning har tomonlama yetuk kadrlar etib tayyorlash bo‘yicha strategik maqsadlarni qo‘ygan.
Mazkur texnikumga vakolatli davlat organi – O’zbekiston Respublikasi Oliy ta’lim, fan va innovatsiyalar vazirligi tomonidan 10.05.2024 sanasida №273087 raqamli litsenziya taqdim etilgan va diplomi davlat professional ta’lim muassasalari qatori O‘zbekiston Respublikasida 100 foiz tan olinadi.
Bugungi kunda o’quv muassasada 4 ta yo’nalish boʻyicha oʻquv jarayonlari bevosita amaliyot bilan bogʻlangan holda olib borilmoqda:
50910204 – Feldsherlik ishi
50910401 – Farmatsiya
50910203 – Hamshiralik ishi (Patronaj hamshirasi);
40910203 – Hamshiralik ishi (Umumiy amaliyot hamshirasi).
Respublika ixtisoslashtirilgan ko’z mikroxirurgiya ilmiy-amaliy markazi Qarshi filialida texnikumning yangidan qurilgan zamonaviy binosidagi o‘quv auditoriyalari, laboratoriya xonalarida yoshlarga uzoq yillik tajribaga ega, malakali professor-o‘qituvchilar ta’lim bermoqda.
Endilikda talabalar, nafaqat, «Neyromaks tibbiyot klinikasida, balki Respublika ixtisoslashtirilgan ko’z mikroxirurgiya ilmiy-amaliy markazi Qarshi filialida joylashgan yangi o’quv binosida ham o’qish va amaliyotni bir vaqtning o’zida olib borishlari mumkin.
Talabalar texnikumning o’zida yaratilgan qulay sharoitlar, chet eldan keltirilgan tibbiyot jihozlari orqali boshlang’ich amaliyotni o’rganishadi.
Asosiy amaliyot Respublika shoshilinch tibbiy yordam Ilmiy markazi Qashqadaryo fililali, Viloyat ko’p tarmoqli tibbiyot markazi, Neyromaks tibbiyot markazi va viloyat tibbiyot birlashmalari va shu kabi yirik kasalxona va klinikalarda ham bemorlar bilan, oliy toifali hamshiralar bilan ishlab amaliyot o’tashadi, malakali shifokorlardan dars olib bilimlarini mustahkamlashadi.
O’quv muassasasi turli elektron resurslarga boy bazaga ulangan kompyuter xonalari, tibbiyot xonasi, kutubxonasi, talabalar mustaqil o‘qib shug‘ullanishlari, sport bilan shug‘ullanishlari, dam olishlari va o‘zaro fikr almashib ta’lim olishlari uchun barcha sharoitlar yaratilgan.
Shuningdek, texnikum uzoq hududlardan kelgan talabalarning yashashi, darslardan keyin hordiq chiqarishlari uchun barcha sharoitlar bilan ta’minlangan shinam yotoqxonasiga ega.
1. Sifatli ta’limni ta’minlash. Zamonaviy ta’lim dasturlari va texnologiyalari orqali yetuk tibbiyot mutaxasislarini yaratish.
2. Mamlakatda tibbiyotning rivojlanishiga hissa qo’shish: Tadqiqot va ta’lim faoliyati orqali eng yangi tibbiy texnologiyalar va ilmiy yutuqlarni targ’ib qilish. Tibbiy xizmat sifatini yaxshilash uchun tibbiy amaliyotni qo’llab-quvvatlash va sog’liqni saqlash muassasalari bilan hamkorlik qilish.
3. Talabalarga sifatli tibbiy ta’lim berish: Ilg’or texnika va texnologiyalardan foydalangan holda talabalarga kafolatlangan ta’limni taklif etish.
4. Bitiruvchilarni ish bilan ta’minlashga ko’maklashish: Respublikadagi talabni o’rgangan holda ish beruvchilar bilan texnikum o’rtasida shartnomalar tuzish va bitiruvchilarni bo’sh ish o’rinlariga yo’naltirish.
5. O’zbekiston Respublikasi kambag’allikni qisqartirish va bandlik vazirligi bilan hamkorlikda chet eldagi tibbiyot xodimiga bo’lgan talabni o’rganib bitiruvchilarni rivojlangan mamlakatlarga tajriba almashish maqsadida yo’naltirish. Bunda: talabalar texnikum tomonidan tashkil etilgan bepul xorijiy til kurslari orqali chet tillarini o’zlashtirishi mumkin bo’ladi.
“Qarshi tibbiyot texnikumi”da talabalarni xorijiy tillarni mukkamal o‘zlashtirgan nafaqat mahalliy, balki xalqaro mehnat bozorida ham raqobatbardosh kadrlar qilib tayyorlash, bitiruvchilar aholi salomatligini birinchi o’ringa qo’yadigan yuqori salohiyatli va malakali kadrlar bo‘lib yetishi uchun barcha imkoniyatlar yaratilgan.
Shuningdek, texnikumda o’qish uchun Ayollar va yoshlаr daftаridа bo‘lgаn 20 yoshdаn 30 yoshgacha bo‘lgan xotin-qizlarga birinchi o‘quv yili uchun 50% chegirma va nogironligi bo‘lgan o‘quvchilarga har yili uchun 20% chegirma hamda bir oiladan 2 nafar farzand o‘qisa 1 nafariga 50% chegirma imkoniyati qilib beriladi.
Qo‘shimcha ma’lumot uchun:
+998886111700
+998773207828
Manzillar:
Qarshi shahri G’ofur G’ulom MFY, Mirtemir ko’chasi 17A uy;
Qarshi shahri Islom Karimov ko’chasi 85A uy
