Samarqandda o‘quvchilarning eshakda maktabga qatnayotganiga izoh berildi (video)

Samarqandda o‘quvchilarning eshakda maktabga qatnayotganiga izoh berildi (video)

Ijtimoiy tarmoqlarda o‘quvchilar maktabga eshakda qatnayotgani aks etgan video tarqaldi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠ Samarqand viloyati MMTB holat yuzasidan izoh berib, video qaysi hududda tasvirga olingani va o‘quvchilarning nima sababdan bunday transportdan foydalanayotgani haqida ma’lumot berdi.

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

Ijtimoiy tarmoqlarda Kattaqo‘rg‘on tumani Mavlonsoy qishlog‘ida o‘quvchilar eshakda maktabga qatnayotgani aks etgan video tarqaldi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

Mazkur holat yuzasidan Samarqand viloyati Maktabgacha va maktab ta’limi boshqarmasi munosabat bildirdi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

Munosabatda holat Mavlonsoy qishlog‘ida emas, balki Kattaqo‘rg‘on tuman markazidan 40 kilometr uzoqlikdagi Burgansoy MFY Olmosuvon qishlog‘ida joylashgan 84-sonli umumiy o‘rta ta’lim maktabida sodir bo‘lganligi qayd etildi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

Ma’lum qilinishicha, ushbu hudud Qo‘shrabot tumani bilan chegaradosh bo‘lib, tog‘ yonbag‘irlaridagi kichik va tarqoq qishloqlardan iborat.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠ Ichki yo‘llar asosan so‘qmoqlardan tashkil topgan.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

Hozirda maktabning asosiy binosida 92 nafar, filialida esa 21 nafar o‘quvchi tahsil olmoqda.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠ Filial bilan asosiy bino o‘rtasidagi masofa 3 kilometrni, asosiy binoga qatnaydigan eng uzoq masofa esa 4 kilometrni tashkil etadi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

‘‘5–11-sinflarda jami 74 nafar o‘quvchi tahsil oladi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠ Shundan Olmosuvon qishlog‘idan 45 nafar, filial hududidagi Qo‘shamazor qishlog‘idan 13 nafar, To‘lali qishlog‘idan 17 nafar va Jilqihaydar qishlog‘idan 17 nafar o‘quvchi asosiy binoga qatnaydi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

Tog‘li hudud va aholi punktlarining tarqoq joylashgani sababli mahalliy aholining aksariyat qismi, jumladan, kundalik harakatlanishda ushbu ulovlardan foydalanadi’’, — deyiladi munosabatda.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

Ayni paytda mutasaddi tashkilotlar tomonidan olis va tog‘li hududlarda o‘quvchilarning maktabga xavfsiz va qulay qatnashini ta’minlash hamda yo‘l infratuzilmasini yaxshilash bo‘yicha tegishli chora-tadbirlar dasturi ko‘rib chiqilayotganligi ma’lum qilindi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌⁠⁠