5-sinfda o‘qib turib B2 darajasiga erishish har kimga ham nasib etmaydi. Xorazm viloyati Hazorasp tumanidagi 20-son umumiy o‘rta ta’lim maktabi o‘quvchisi Kamronbek Usmonjonov ingliz tili fanidan B2 darajali milliy sertifikatni qo‘lga kiritdi.
Xorazm viloyati maktabgacha va maktab ta’limi boshqarmasi xabariga ko‘ra, Hazorasp tumanidagi 20-son umumiy o‘rta ta’lim maktabining 5-sinf o‘quvchisi Kamronbek Usmonjonov ingliz tili fanidan CEFR B2 darajali milliy sertifikatni muvaffaqiyatli qo‘lga kiritdi.
Yosh o‘quvchi sertifikat imtihonida quyidagi natijalarni qayd etdi:
Tinglab tushunish (Listening) — 62 ball
O‘qish (Reading) — 53 ball
Yozish (Writing) — 55 ball
Gapirish (Speaking) — 49 ball
Umumiy natija: 55 ball (CEFR B2)
Ta’kidlash joizki, 5-sinf o‘quvchisi bo‘lishiga qaramay, Kamronbekning B2 darajali sertifikatni qo‘lga kiritishi uning ingliz tilini puxta o‘zlashtirayotgani va bilimga bo‘lgan intilishidan dalolat beradi.
Avvalroq, Surxondaryo viloyati Denov tumanidagi 101-sonli umumiy o‘rta ta’lim maktabining 4-sinf o‘quvchisi Abduraxmonova Dilobar CEFR B2 sertifikatini qo‘lga kiritgani haqida xabar bergan edik.
