“C1 uchun yetmagan 2 ball meni IELTS sari olib kirdi”: 8-sinf o‘quvchisi IELTS 8.0 va SAT 1250 natijali sertifikatlarni qo‘lga kiritdi

“C1 uchun yetmagan 2 ball meni IELTS sari olib kirdi”: 8-sinf o‘quvchisi IELTS 8.0 va SAT 1250 natijali sertifikatlarni qo‘lga kiritdi

Agentlik tizimidagi Navoiy viloyati Nurota tuman ixtisoslashtirilgan maktabining 8-sinf o‘quvchisi Muxtorova Gulasal Abdushukur qizi IELTS imtihonida 8 ball va SAT’dan 1250 ball natijalarni qayd etdi.

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Navoiy viloyati Nurota tuman ixtisoslashtirilgan maktabining 8-sinf o‘quvchisi Gulasal Muxtorova IELTS 8.0 va SAT 1250 ballik xalqaro sertifikatlarni qo‘lga kiritdi.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ U yosh bo‘lishiga qaramay, qisqa muddat ichida xalqaro imtihonlarga tayyorlanib, yuqori natijalarga erishdi.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Gulasalning aytishicha, uning chet tillariga qiziqishi bolalikdan boshlangan bo‘lsa-da, IELTS va SAT’ga jiddiy tayyorgarlik ko‘rish qarori keyinroq shakllangan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Talimxabarlari.uz sayti muxbiri mazkur o‘quvchi bilan sertifikatga tayyorgarlik jarayoni va kelajakdagi rejalari haqida suhbatlashdi.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“C1 uchun yetmagan 2 ball meni IELTS sari olib kirdi”

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Yoshligimdan ingliz tilini yaxshi ko‘rib o‘rganardim, lekin 7-sinfgacha bunga jiddiy qaramaganman.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ IELTS sertifikatini olishga “Multilevel” imtihonida olgan natijam sababchi bo‘lgan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ O‘shanda 63 ball olganman va C1 uchun atigi 2 ball yetmagandi”, — deydi Gulasal.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“C1 uchun yetmagan 2 ball meni IELTS sari olib kirdi”: 8-sinf o‘quvchisi IELTS 8.0 va SAT 1250 natijali sertifikatlarni qo‘lga kiritdi⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Uning ta’kidlashicha, aynan shu natija unda yanada kattaroq maqsadlar uchun harakat qilish motivatsiyasini uyg‘otgan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Yoshligimdan chet elda o‘qishni orzu qilardim.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ IELTS’ning o‘zi yetarli emasligini bilgach, SAT’ga ham tayyorlana boshladim”, — deydi u.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“IELTS uchun 6 oy, SAT uchun esa 3 oy qattiq ishladim”

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

14 yoshli o‘quvchi IELTS sertifikatiga 6 oy davomida muntazam tayyorlangan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ SAT imtihoni uchun esa 3 oy vaqt sarflagan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Biroq maktab darslari va tayyorgarlikni birgalikda olib borish unga oson bo‘lmagan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Ikkala sertifikatga tayyorlanayotgan vaqtim maktab payti bo‘lgani uchun maktab va tayyorgarlikni birga olib borish qiyin edi, aksiga olib maktabdagi uyga vazifalar ham ko‘p.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ Shuning uchun, ko‘pincha uyqu rejimimni buzishga to‘g‘ri kelardi”, — deydi u.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Writing qismi — meni eng ko‘p qiynagan”

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Gulasalning aytishicha, IELTS’ning ayniqsa Writing qismi uning uchun murakkab bo‘lgan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Qancha ko‘p mehnat qilsam ham Writing natijamni oshira olmayotgandek tuyulardi.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ Ko‘pincha ‘uddalay olamanmi?’ deb ikkilanardim”.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Shunga qaramay, u harakatni to‘xtatmaganini ta’kidlaydi.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Lekin ‘Consistency is the key of everything’ (Muntazamlik — har qanday muvaffaqiyatning kaliti) degan gap meni oldinga undardi.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ Shu sababli muntazam ishlashni davom ettirdim”, — deydi Gulasal.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Mock natijalar past chiqqanida IELTS’ni tashlamoqchi bo‘lganman”

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Ko‘pincha IELTS’ga tayyorlanganimda turli veb-saytlardan foydalanardim, Google platformasida bunday mavzudagi saytlar juda ko‘p, lekin ko‘p foydali saytlar pullik bo‘lgani uchun biroz qiyinchilik bo‘lardi.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ SAT imtihoniga tayyorlanish uchun kurs sotib oldim va kurs davomida ancha progress ko‘rdim”.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Uning aytishicha, mock imtihonida past natija olgani uchun IELTS’ni yig‘ishtirish fikri ham bo‘lgan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Ko‘p vaqtlar, ayniqsa mock natijalarim past chiqqanida, IELTS’ni butunlay tashlab yubormoqchi bo‘lganman”, — deydi u.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Ammo uni to‘xtatmagan narsa — bosib o‘tilgan yo‘l va yaqinlarining ishonchi bo‘lgan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“..‘No way back’ iborasi hayajonni yengishga yordam berdi”

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Imtihon kunidagi hayajon ham o‘quvchi uchun unutilmas jarayon bo‘lgan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Imtihon paytidagi hayajonni bir ustoz aytgan ‘No way back’ iborasi yengishga yordam berdi, iloji boricha imtihon vaqtida diqqatimni jamlashga harakat qildim”.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Natijalarni kutish esa undan ham qiyinroq bo‘lgan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Bir soniyada olmoqchi bo‘lgan ballingiz va undan keyingi quvonch ko‘z oldingizga keladi.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ Keyingi soniyada esa past chiqib qolishi haqidagi qo‘rquv sizni qamrab oladi”, — ta’kidlaydi u.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“8 ballni ko‘rganimda, ichimda nimadir ‘nihoyat uddalading’ deb baqirgandi”

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Gulasal IELTS natijasini ochish jarayonini ham hayajon bilan eslaydi.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Imtihon javobi chiqqandan soʻng, qo‘llarim javobni ochishga qo‘rqqan va o‘zimni qanday natija chiqqaniga qaramay ko‘nglimni cho‘ktirmaslikka ko‘ndirgunimcha bir necha daqiqa ketgandi”.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Ammo natijani ko‘rgan lahza uning uchun unutilmas bo‘lgan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Birinchi marta 8 ballni ko‘rganimda juda quvongandim.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ Ichimda nimadir ‘nihoyat uddalading’ deb baqirardi-yu, lekin uni faqat men eshitolardim”, — eslaydi o‘quvchi.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

SAT natijasi esa unda boshqacha hissiyot uyg‘otgan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“SAT javobini ko‘rganimda esa buni mutlaqo aksi edi, uddalading deb baqirgan ovoz endi indamay turardi.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ Bu safar quvonganimdan emas, balki bundan ham balandroq natija olishim mumkinligini, lekin shu bilangina cheklanib qola olishimni bilganimdan yig‘ladim”, — deydi u.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Har kuni 4 soat tayyorlanish bir kun 8 soat ishlashdan samaraliroq”

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Hozirda Gulasal SAT natijasini yanada oshirishni maqsad qilgan.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Endi SAT ballimni 1500+ darajaga olib chiqmoqchiman.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ Shundan keyingina top-100 universitetlarga kirish imkoniyati paydo bo‘ladi”, — deydi u.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

U kelajakda “Massachusetts Institute of Technology” hamda Harvard University’da tahsil olishni orzu qiladi.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Gulasal xalqaro sertifikatlarga tayyorlanayotgan o‘quvchilarga quyidagicha tavsiya berdi:⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

“Natija bir kunda ko‘rinib qolmaydi, yaxshi natija yaxshigina mehnat va ko‘pgina qurbonliklar talab qiladi.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ Iloji boricha har kuni mashq qilish ham juda muhim.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ Bir kuni 8 soat, ikkinchi kuni umuman tayyorlanmaslikdan ko‘ra har kuni 4 soat tayyorlanish samaraliroq”.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Gulasalni o‘qishlariga muvaffaqiyat tilab qolamiz!⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠

Avvalroq, Qashqadaryoda 9-sinf o‘quvchi qiz SAT — 1320 ball, IELTS — 7,5 natija ko‘rsatgani haqida xabar bergan edik.⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠ Intervyuni o‘qish⁠⁠‌‌‌‌‌‌‌‌⁠‌‌‌⁠‌‌⁠‌‌‌‌⁠‌‌‌‌‌‌⁠⁠