“Harakatdan to‘xtagan vaqtingiz rivojlanishdan to‘xtaysiz”: Samarqandda 10-sinf o‘quvchisi muddatidan avval talaba bo‘ldi

“Harakatdan to‘xtagan vaqtingiz rivojlanishdan to‘xtaysiz”: Samarqandda 10-sinf o‘quvchisi muddatidan avval talaba bo‘ldi

Samarqand viloyati Oqdaryo tumani 2-son ixtisoslashtirilgan maktab-internatining 10-sinf o‘quvchisi o‘zi o‘qimoqchi bo‘lgan sohada kerak bo‘ladigan fanlardan milliy sertifikatlarni olib, muddatidan avval talaba bo‘ldi.

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

Samarqand viloyati Oqdaryo tumani 2-son ixtisoslashtirilgan maktab-internatining 10-sinf o‘quvchisi Iskandarova Sarvinoz Samandar qizi muddatidan avval talaba bo‘lish imkoniyatiga ega bo‘ldi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Xususan, u fizikadan A, matematika A, ona tili va adabiyot B, tarix C+ darajali milliy sertifikatlarni olgan.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

Talimxabarlari.uz sayti muxbiri mazkur o‘quvchi bilan sertifikatga tayyorgarlik jarayoni va kelajakdagi rejalari haqida suhbatlashdi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Matematika faniga mehrim kichikligimdan boshlangan”

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

Sarvinozning aytishicha, matematika faniga mehri bolalikdan boshlangan.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Men kichikligimdan matematika faniga mehr qo‘yganman.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Bu fanga mehr qo‘yishimda ham ustozim, ham tog‘am Ro’ziyev Murodjon ustozning xizmati katta.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Tog‘am O‘zbekiston Milliy universitetida tahsil olganlar.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Shu sabab men ham bu universitetda o‘qishni niyat qilganman”, — deydi u .⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

Vaqt o‘tishi bilan o‘quvchi turli sertifikatlar olib nufuzli universitetlarda o‘qiyotgan yoshlarni ko‘rib, u ham shular qatoridan bo‘lishni xohlagan.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Men Samarqand viloyatidagi ixtisoslashtirilgan maktabning 10-sinfida tahsil olyapman.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Bizning maktabimizda milliy va xalqaro sertifikatlarni qo‘lga kiritib, yurtimiz va dunyoning nufuzli universitetlariga muddatidan oldin grant asosida qabul qilingan o‘quvchilar bor edi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Ularga havas qilib menda ham muddatidan oldin talaba bo’lish istagi uyg‘ondi”.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“O‘qituvchilarimning hissasi beqiyos”

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

U sertifikat olish jarayonida ustozlarining mehnatini yuqori baholaydi:⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Bu istagimni amalga oshirishda o‘qituvchilarim menga katta yordam berishdi, o‘z bilim va mehnatlarini ayashmadi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Bu darajaga yetishishimda ularning o‘rni katta va ularga katta minnatdorlik bildiraman”.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

Sarvinoz ziyoli oilada tug‘ilgan bo‘lib, ilmga havasi bolalikdan boshlangan.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Uning aytishicha, matematika faniga qiziqish bobosi va tog‘asi sabab paydo bo‘lgan.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Onam tomondan ham dadam tomondan ham sulolamiz o‘qituvchilar sulolasi bo‘lishgan.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Shu bois, menda ilmga havas bolalikdan boshlangan.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Matematika faniga qiziqishim uyg‘onishida bobom va tog‘amning hissalari katta.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Bobom matematika fanidan saboq berganlar hozir nafaqada, tog‘am esa ham ustozim meni kichikligimdan matematika faniga qiziqtirardi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Ularnikiga mehmonga borsam yoki mehmonga kelganlarida menga turli qiziqarli masalalar berardi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Bu masalalarni yechganimda ich-ichimdan juda quvonardim.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Kelajakda men ham ulardek xalqaro va milliy sertifikatlar sohibi bo‘lishni orzu qilib tayyorlanishni boshlaganman”.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

U matematika fanidan birinchi sertifikatini 9-sinfda qo‘lga kiritgan.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Fizika fanidan tayyorgarlik 2 yil davom etdi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Bunda ustozlarim To‘lqinov Zafar, Ochilov Kamoliddin, Pardayev Jasurlarning mehnati katta.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Ayniqsa, To‘lqinov ustoz milliy sertifikat misol va masalalari bilan ishlash bo‘yicha muhim yo‘l-yo‘riqlar ko‘rsatdi”, — deydi Sarvinoz .⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

Ona tili fanidan sertifikat olishida esa ham onasining hissasini alohida ta’kidlaydi:⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Ona tili fanidan sertifikatni qo‘lga kiritishimda onamning hissalari bor.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Onam ona tili va adabiyotdan saboq beradilar, shu sababli bu fandan alohida vaqt ajratib tayyorgarlik ko‘rmadim.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Chunki oilaviy muhitimiz kitobga mehr, so‘z olami sehriga yo‘g‘rilgan holatda o‘tgan.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Shu o‘rinda, tarix fanidan sertifikat olishimda ustozim Nasimova Umidaning xizmatlari beqiyos.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Ustozimning talabchanligi va kuchli bilimi tufayli bir oy tayyorgarlikdan so’ng milliy sertifikatni qo’lga kiritishga muvaffaq bo‘ldim”, — deydi Sarvinoz.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Har bir inson o‘z ustida tinimsiz shug‘ullanishi kerak”

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

Sarvinoz o‘quv jarayonidagi qiyinchiliklarni ham ochiq bayon qiladi:⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Men dastlab nazariya bilan ustozlarim yordamida to‘liq tanishishga harakat qilardim, so‘ng mavzu bo‘yicha testlar bilan ishlardim.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Muammoli qismlarini qaytadan o‘zlashtirishga harakat qilib, qo‘shimcha shug‘ullanardim.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Barcha fanlardan sertifikat savollari men kutganimdan ancha qiyin edi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Har bir inson o‘z ustida tinimsiz shug‘ullanishi va o‘zini rivojlantirishga harakat qilishi kerak.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Agar hozir o‘zingizdan ko‘nglingiz to‘lib ishlashdan to‘xtasangiz, shu vaqtdan boshlab rivojlanishdan to‘xtaysiz”, — deydi u .⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Tongda dars qilish eng samarali vaqt”

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

Suhbat davomida u kunlik tartib va vaqtni boshqarish haqida ham so‘z ochdi:⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Men odatda kun bo‘yi maktab va to‘garaklarda bo‘lardim va shu sababli saharda turib dars qilardim.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Menimcha, bu vaqt dars qilish uchun eng samarali vaqt.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Chunki inson ham ruhan, ham jismonan eng tetik payti bo‘ladi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Boshida tongda dars qilish qiyin bo‘ldi, kun bo‘yi charchab yurardim.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Biroq, keyinchalik bu o‘z samarasini bera boshladi va men asta-sekin ko‘nikib ketdim”.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Har qanday muvaffaqiyat ortida kurash bor”

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

Sarvinoz muvaffaqiyatga erishish yo‘lida uyqusiz tunlar va qiyinchiliklarga duch kelganini ta’kidlaydi:⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Har qanday jarayonda tushkunlik bo‘ladi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Ba’zan oilaviy va turli ko‘ngilochar tadbirlardan voz kechishimga to‘g‘ri kelardi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Ba’zan ikkita fanni bir vaqtda o‘zlashtirganim uchun qiyinchiliklarga duch kelardim.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Ammo bunday vaziyatlarda oilam, ayniqsa dadam menga har qanday vaziyatda ham yengilmaslikni aslida nima uchun boshlaganimni eslatib turardi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Sertifikat olganimdan so‘ng, bu qiyinchiliklarning barchasi esimdan chiqib ketdi va mashaqqatlar natijaga arzishini tushunib yetdim.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Bugungi kundagi muvaffaqiyatlarim uchun ota-onamga katta rahmat aytaman”, — deydi u.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Test ishlashda shoshilmaslik muhim”

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Avvalo har qanday fanni ilk boshlagan o‘quvchiga ham o‘zining darajasidan kelib chiqib test ishlashni mashq qildirib borish kerak.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Masalan, birorta mavzuni o‘tgandan keyin milliy sertifikatda tushgan va shu mavzuga oid bo‘lgan savollar bilan tanishtirish kerak.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Shunda o‘quvchi testda bu mavzuga doir savol kelsa ortiqcha qiynalmaydi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Hamma mavzularni o‘tib bo‘lgandan so‘ng, umumiy test bilan kamroq vaqt shug‘ullansa ham kam xato qiladigan bo‘ladi”.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

Shuningdek, Sarvinozda shaxsiy telefoni yo‘qligini va bu har qanday o‘quvchini chalg‘itishini bildirdi.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Maqsad sari harakat va izlanish”

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

Sarvinoz boshqa o‘quvchilarga qo‘ygan maqsadlari yo‘lida harakat qilishlarini va eng muhimi nima uchun bu yo‘lni boshlaganlarini unutmasliklarini maslahat berdi:⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

“Inson oldiga qo‘ygan har qanday maqsad yo‘lida qattiq harakat qilishi va natija uchun ba’zida keraksiz narsalarni qurbon qilishi kerak.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Inson har doim nima uchun shu harakatni boshlaganini o‘ziga eslatib turishi, natijaga erishsa nimalar sodir bo‘lishi haqidagi fikr yuritishi kerak.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠ Albatta, bu unga motivatsiya bo‘ladi”, — deydi u .⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

Sarvinozni o‘qishlariga muvaffaqiyat tilab qolamiz!⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠

Avvalroq, Sirdaryoda 5 ta fandan sertifikat olgan 10-sinf o‘quvchisi Shabnam Axmetova bilan suhbatlashgan edik.⁠⁠‌‌‌‌‌‌‌‌⁠‌‌‌⁠‌⁠‌‌‌‌‌‌‌‌⁠‌‌‌‌⁠⁠