Chet elda oʻqiyotgan oʻzbekistonliklar soni keskin kamaydi

Chet elda oʻqiyotgan oʻzbekistonliklar soni keskin kamaydi

2026-yilning yanvar mart oylarida 5 862 nafar Oʻzbekiston fuqarosi oʻqish uchun chet elga safar qilgan, bu esa 2025-yilning mos davriga nisbatan 1,6 ming nafarga kamroq. Eng koʻp oʻzbekistonlik talabalar tahsil oladigan davlatlar Rossiya, Koreya, Qirgʻiziston va Xitoy boʻldi.

Milliy statistika qoʻmitasi maʼlumotlariga koʻra, 2026-yilning yanvar mart oylarida 5 862 nafar Oʻzbekiston fuqarolari oʻqish maqsadida chet elga safar qilgan.

Bu koʻrsatkich 2025-yilning mos davriga nisbatan 1,6 ming nafarga yoki 21,2 foizga kamaygan.

Mazkur davrda Oʻzbekiston fuqarolari oʻqish maqsadida eng koʻp borgan davlatlar:

– Rossiya – 1 241 nafar;

– Koreya R. – 1 131 nafar;

– Qirgʻiz R. – 1 059 nafar;

– Xitoy – 424 nafar;

– Turkiya – 423 nafar;

– Tojikiston – 381 nafar;

– Buyuk Britaniya – 292 nafar;

– Boshqa davlatlar – 911 nafar.

Avvalroq, Rossiyada ta’lim olayotgan o‘zbekistonlik talabalar soni 46 mingdan oshganligi haqida xabar bergan edik.