‘‘Ko‘p tanqidlarga uchraganman..’’: Surxondaryoda yana bir o‘quvchi muddatidan avval talaba bo‘lish imkonini qo‘lga kiritdi

‘‘Ko‘p tanqidlarga uchraganman..’’: Surxondaryoda yana bir o‘quvchi muddatidan avval talaba bo‘lish imkonini qo‘lga kiritdi

Surxondaryo viloyati, Angor tumani 41-maktabning 11-sinf o‘quvchisi Abduqodirov Sarvarxoji Humoyiddinovich beshta fandan milliy sertifikatlarni qo‘lga kiritib, muddatidan oldin 189 ball to‘pladi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ U kimyo va biologiyadan A, tarixdan B, matematika hamda o‘zbek tili va adabiyot fanidan esa C+ darajasini qo‘lga kiritdi.

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Sarvarxoji kelajakda Toshkent davlat tibbiyot universitetida tahsil olishni maqsad qilgan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Shu sababli u fanlarga chuqurroq e’tibor qaratgan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Talimxabarlari.uz muxbiri mazkur o‘quvchi bilan tayyorgarlik jarayoni, bo‘lgan qiyinchiliklar va muvaffaqiyat sirlari bo‘yicha suhbatlashdi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

“Eng avvalo tartib va intizom bo‘lishi kerak.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Fanlarni milliy sertifikat yo‘nalishida o‘rgatilsa, bizning safimiz yanada ko‘proq bo‘lar edi”, — deydi u.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

“Sertifikat olish fikrini ustozim bergan”

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

O‘quvchiga sertifikat olish taklifini ilk bor biologiya ustozi berganini aytadi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Dastlab unda ichki ishonchsizlik va “buni qila olmayman” degan fikr bo‘lgan, ammo ustozining motivatsiyasi va doimiy qo‘llab-quvvatlashi uni harakatga keltirgan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 “Birinchi bor Sherzod ustozim bu fikrni berganlarida qanchalik qiyin bo‘lishini ham tushuntirganlar.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Men bu taklifga rozilib bildirgan bo‘lsam-da, ichimda “bu ishni qila olmayman” degan fikr o‘tgan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Lekin ustozim har doim motivatsiya berardilar.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Boshida uyqusiz kechalar va qiyinchiliklar meni qiynadi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Biroq, ustozlarimning qo‘llab-quvvatlashi va shuncha mehnatim zoye ketmasligini bilib, harakatdan to‘xtamaganman”, — deydi u.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Tayyorgarlik jarayoni

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

U har bir fan uchun ma’lum vaqt davomida tayyorlangan:⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Kimyo — 3 yil⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Biologiya — 1,5 yil⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Matematika — 4 oy⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Tarix — 3 oy⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Ona tili va adabiyot — 1 oy⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Sarvarxoji tayyorgarlik jarayonida barcha manbalardan foydalanib, samarali usullarni sinab ko‘rgan:⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 “Eng samarali usullardan biri — telefonsiz 40 daqiqa dars qilib, 5 daqiqa dam olish”, — deydi u.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

‘‘Ko‘p tanqidlarga uchraganman’’

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

“Savollar darajasi albatta oson emas, juda qiyin deb ham bo‘lmaydi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Testga kirganda hayajonni yengib, o‘ziga ishonish kerak”.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Uning aytishicha, kimyodan birinchi natijasi kutganiday chiqmagan va bu tushkunlikka tushirgan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Ammo ustozining so‘zlari va qo‘llab-quvvatlashi bilan u harakatdan to‘xtamagan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

“Biologiyadan ham testlarda ballim kam chiqar edi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Shu sababli, bundan ham juda ko‘p tanqidlarga uchraganman.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Hatto 5 ta fanni yopa olmasligimga ustozim ham ishonib qolgandek tuyulgan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Biroq men, olgan sertifikat testlarni uyda tahlil qilib, barcha nojoʻya fikrlar men haqimdaligini bilib, qayerda notoʻgʻri ish qilayotganimni tahlil qilganman.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Natijada, ustozlarimning ishonchini oqlaganman”, – deydi o‘quvchi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Kecha-kunduz mehnat

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Sarvarxoji ko‘proq kechasi dars qilganini va bo‘sh vaqti deyarli umuman bo‘lmaganini ta’kidlaydi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Shunday bo‘lsa-da, miyaga dam berishga ahamiyat bergan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

“Telefon o‘quvchilarni chalg‘itadi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Men bunga kamroq e’tibor berdim, chunki kelajakda shifokor bo‘lish niyatim bor”, — deydi u.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

O‘quvchi tengdoshlariga shunday maslahat beradi: hech qachon harakatdan to‘xtamaslik.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Mehnat va qat’iyat, to‘g‘ri metodika, tartib va intizom — muvaffaqiyatning kaliti.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 “Barcha qiyinchilik behuda ketmaydi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Faqat harakat qilish kerak”, — qo‘shimcha qiladi bo‘lg‘usi talaba.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Hozirda u ingliz tilini o‘rganmoqda va sertifikatlar sonini yana bittaga oshirishni rejalashtirgan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Sarvarxojini o‘qishlariga muvaffaqiyat tilab qolamiz!⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠

Avvalroq, tibbiyot yo‘nalishida o‘qimoqchi bo‘lgan va muddatidan oldin 189 ballni naqd qilgan surxondaryolik o‘quvchi Latofat Xayrullayeva bilan suhbatlashgan edik.⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠ Intervyuni o‘qish⁠⁠‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌⁠‌‌‌‌‌‌⁠‌⁠⁠