Muhokamalar portaliga ‘‘Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish haqida’’gi qaror loyihasi joylashtirildi.
Oʻzbekiston Respublikasi Prezidentining 2025-yil 5-maydagi PF–76-son Farmoni bilan tasdiqlangan “Yoʻl xaritasi”ning 17-bandiga muvofiq, ta’lim sohasida amalga oshirilayotgan islohotlardan kelib chiqqan holda tashqi sifat nazoratini tartibga soluvchi amaldagi normativ-huquqiy hujjatlarga o‘zgartirish va qo‘shimchalar kiritish vazifasi belgilangan.
Mazkur topshiriq ijrosini ta’minlash maqsadida Qonun loyihasi Oliy taʼlim, fan va innovatsiyalar vazirligi tomonidan ishlab chiqildi.
Yangi qonun loyihasi orqali 2 ta – “Taʼlim toʻgʻrisida”gi va “Litsenziyalash, ruxsat berish va xabardor qilish tartib-taomillari toʻgʻrisida”gi Qonunlarga oʻzgartirish va qoʻshimchalar kiritish taklifi berilmoqda.
Mazkur Qonun loyihasining qabul qilinishi tegishli qonunlarni amaldagi qonunchilik hujjatlariga muvofiqlashtirilishiga erishiladi.
Fuqarolar Qonun loyihasi muhokamasida 2025-yil 30-oktabrga qadar (shu kuni ham) ishtirok etishlari mumkin.
Asosiy oʻzgarishlar haqida avvalroq xabar bergan edik.
