“Tungi soat 2-3 gacha dars qilardim”: Qashqadaryolik o‘quvchi muddatidan oldin 189 ball to‘pladi

“Tungi soat 2-3 gacha dars qilardim”: Qashqadaryolik o‘quvchi muddatidan oldin 189 ball to‘pladi

Qashqadaryo viloyati Qarshi tumani 39-son umumiy oʻrta taʼlim maktabining 11-sinf oʻquvchisi Shodmonova Madina Bekzod qizi barcha majburiy va asosiy fanlardan milliy sertifikatni qoʻlga kiritib, muddatidan avval talaba boʻlish imkoniyatini qoʻlga kiritdi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ U Oʻzbekiston davlat jahon tillari universitetida tahsil olishni rejalashtirmoqda.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Madina tayyorgarlik jarayoni, vaqtni boshqarish va muvaffaqiyatga erishish sirlari haqida soʻzlab berdi.

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

“Baʼzida tungi soat 2-3 gacha dars qilardim”

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

Madinaning aytishicha, milliy sertifikat olish maqsadi unda 10-sinfda paydo boʻlgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Shundan soʻng u oldiga aniq maqsad qoʻyib, muntazam tayyorgarlikni boshlagan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

“Sertifikat olishga qiziqishim 10-sinfligimda paydo boʻlgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Tayyorgarlik jarayoni ancha qiyin kechgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Baʼzida tungi soat 2-3 gacha dars tayyorlagan kunlarim ham boʻlgan”, — deydi u.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

U ona tili faniga 5 oy, tarixga 4 oy, ingliz tiliga 7 oy, matematikaga esa 1 oy tayyorlangan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Ingliz tili boʻyicha oflayn kurslarda qatnashgan boʻlsa, qolgan fanlarga onlayn kurslar va taʼlim platformalari orqali tayyorlangan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

Madinaning soʻzlariga koʻra, uni har kuni harakat qilishga undagan oddiy bir motivatsiya ham boʻlgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

“Dars xonam devoriga ʼBugun harakat qilmasang, ertaga kech boʻladiʼ degan yozuvni ilib qoʻygandim.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Har safar charchaganimda yoki dars qilishni toʻxtatmoqchi boʻlganimda shu yozuv menga yana kuch bagʻishlardi”, — deydi Madina.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

“Telefonimni butunlay oʻchirib qoʻydim”

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

Madina maktabdagi darslar va sertifikatga tayyorgarlikni oldindan tuzilgan reja asosida olib borgan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

“Ertalab maktabga borardim, uyga vazifalarimni bajarardim.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Maktabdan keyin esa toʻgʻridan-toʻgʻri qoʻshimcha kurslarga borardim.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Avval ingliz tili, keyin ona tili darslarida qatnashardim”, — deydi u.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

Uning aytishicha, tayyorgarlik davrida telefon va ijtimoiy tarmoqlar vaqtni behuda sarflashga sabab boʻlmagan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

“Dars qilayotganimda telefonimni butunlay oʻchirib qoʻyardim.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Tayyorgarlik davomida asosan Telegramʼdan foydalandim.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Hozir ham boshqa ijtimoiy tarmoqlardan foydalanmayman”, — deydi Madina.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

Qizigʻi, u uyqu rejimini buzmagan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Biroq doimiy mashgʻulotlar sabab baʼzan ovqatlanish vaqtiga eʼtibor berolmaganini tan oladi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

Xatolarni tahlil qilish — muvaffaqiyatning kaliti⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

Madinaning fikricha, yuqori natijaga erishish uchun faqat test ishlashning oʻzi yetarli emas.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

“Koʻproq test ishlash kerak.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Eng muhimi esa qilgan xatolaringizni erinmasdan tahlil qilish.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Aynan shu odat yuqori natijaga erishishga yordam beradi”, — deydi u.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

U tayyorgarlik davrida tushkunlikka tushmaganini, bunda ota-onasining qoʻllab-quvvatlashi katta rol oʻynaganini taʼkidlaydi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

“Ota-onam doimo meni qoʻllab-quvvatlagan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Dars qilishim uchun barcha sharoitlarni yaratib bergan.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Shu sababli hech qachon tushkunlikka tushmaganman”, — deydi abituriyent.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠


Tengdoshlariga tavsiya va kelajakdagi maqsadlar

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

Milliy sertifikat olishni istayotgan yoshlarga Madina, avvalo, maqsadni aniq belgilashni tavsiya qiladi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

“Oʻzingizdan “Nega bu sertifikat menga kerak?⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Uni olganimdan keyin nima oʻzgaradi?” degan savollarni soʻrang.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Javobingiz aniq boʻlsa, reja tuzing va maqsadingiz sari qadam-baqadam harakat qiling”, — deydi u.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

Shuningdek, uning fikricha, maktablarda qoʻshimcha mashgʻulotlar uchun koʻproq xonalar va zamonaviy elektron qurilmalar boʻlsa, abituriyentlar uchun yanada qulay sharoit yaratiladi.
Hozirda esa Madina oʻz ustida ishlashda davom etmoqda.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

“Ayni paytda onlayn tarzda turk tilini oʻrganyapman.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠ Bu kelajakdagi karyeram uchun muhim deb hisoblayman”, — deydi oʻquvchi.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠

Avvalroq, angrenda abituriyent qiz 5 ta sertifikat bilan muddatidan oldin talabalikni naqd qilgani haqida xabar bergan edik.⁠⁠‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠‌‌‌‌‌‌‌⁠‌‌‌⁠⁠