Maktab maslahatchisi lavozimi uchun suhbat bosqichi sanalari e’lon qilindi

Maktab maslahatchisi lavozimi uchun tanlovning ikkinchi mavsumida test sinovlaridan muvaffaqiyatli o‘tgan nomzodlar bilan suhbatlar 6–18-iyul kunlari o‘tkaziladi. Joriy mavsumda 42 ming nafardan ortiq talabgor hujjat topshirgan bo‘lsa, ularning 19 ming nafardan ziyodi suhbat bosqichiga tavsiya etilgan.

Joriy yilning 6–18-iyul kunlari maktab maslahatchisi lavozimi uchun tanlovning ikkinchi mavsumida suhbat bosqichi bo‘lib o‘tadi.

‘‘Kelajak markazlari’’ ma’lumotiga ko‘ra, tanlovning ikkinchi mavsumi doirasida respublika bo‘yicha 7 695 ta umumta’lim maktabi uchun vakansiyalar e’lon qilingan.

Mazkur vakansiyalar uchun jami 42 932 nafar nomzod ariza topshirgan.

Belgilangan talablarga javob bergan 38 303 nafar talabgor test sinovlarida ishtirok etgan.

Test natijalariga ko‘ra, eng yuqori ball to‘plagan 19 294 nafar nomzod tanlovning navbatdagi bosqichi — suhbat jarayonida ishtirok etish uchun tavsiya etilgan.

Suhbatlar o‘tkaziladigan manzillar va sanalar bilan quyidagi jadval orqali tanishish mumkin.