Barcha abituriyentlar uchun test sinovi 5 ta fandan boʻlib oʻtadi. Bunda abituriyentlar ikkita asosiy fan va uchta majburiy fandan imtihon topshiradi. Majburiy fanlar: ona tili, matematika va Oʻzbekiston tarixi fanlari barcha abituriyentlar uchun taʼlim yoʻnalishidan qatʼi nazar bir xil hisoblanadi. 3 ta majburiy fandan 10 tadan, jami 30 ta test. Har bir toʻgʻri javob 1,1 balldan, jami 33 ball beriladi.
Taʼlim yoʻnalishiga mos ikkita asosiy fanning har biridan 30 tadan test beriladi va har bir toʻgʻri javob uchun birinchi fanga 3,1 balldan, jami 93.0 ball, ikkinchi asosiy fan uchun esa 2.1 balldan 63.0 ball beriladi.
Shunda abituriyentlar yigʻishi mumkin boʻlgan maksimal ball 189 ballni (33 + 156) tashkil etadi.
Kasbiy (ijodiy) imtihon topshiradiganlar uchun asosiy fanlardan test topshirigʻi berilmaydi va ular ijodiy imtihondan oʻtkaziladi.
Ayrim yoʻnalishlarda (arxitektura, rangtasvir, dizayn, musiqa, jurnalistika, sport faoliyati kabi alohida iqtidor talab etiladigan sohalar) 2-boʻlimdagi fanlardan biri yoki ikkalasi oʻrniga kasbiy (ijodiy) imtihon boʻladi. Kasbiy yoki ijodiy imtihon topshiradigan abituriyentlar uchun quyidagicha ball beriladi:
➖ Majburiy uchta fan —33 ball
➖ Kasbiy (ijodiy) imtihon 156 ball bilan baholanadi.
Eslatma! Ayrim yoʻnalishlarda ikki asosiy fanning faqat bittasidan, ayrimlarida esa ikkalasidan ham kasbiy-ijodiy imtihon oʻtkaziladi. Shunda, ijodiy imtihon birinchi yoki ikkinchi asosiy fanligiga qarab, 93 yoki 63 ball beriladi.
Bunda ham umumiy maksimal ball 189 ballni tashkil etadi. Yaʼni, ijodiy imtihon test bilan birgalikda yakuniy ballga qoʻshilib hisoblanadi va abituriyentning yakuniy natijasini belgilaydi.
Joriy yilda quyidagi yoʻnalishlarda kasbiy-ijodiy imtihonlar oʻtkaziladi:
Tasviriy sanʼat va muhandislik grafikasi
Musiqa taʼlimi
Maxsus pedagogika: surdotarjimonlik faoliyati
Chaqiriqqacha harbiy taʼlim
Jismoniy madaniyat
Texnogen sanʼat
Kino-teleoperatorlik
Dizayn
Rangtasvir
Grafika
Haykaltaroshlik
Amaliy sanʼat
Bastakorlik sanʼati
Sanʼatshunoslik
Aktyorlik sanʼati
Rejissyorlik
Dirijyorlik
Vokal sanʼati
Cholgʻu ijrochiligi
Xoreografiya
Xalq ijodiyoti
Dinshunoslik
Islomshunoslik
Jurnalistika
Axborot xizmati va jamoatchilik bilan aloqalar
Arxitektura
Sport faoliyati
Adaptiv jismoniy tarbiya va sport
Ma’lumot uchun! Ijodiy imtihon topshiradigan abituriyentlar uchun ruxsatnomalar boshqa abituriyentlarnikiga qaraganda ertaroq e’lon qilinishi mumkin. O’tgan yilgi qabulda 4-iyul sanasida ijodiy imtihon topshiradiganlar uchun ruxsatnomalar e’lon qilingan edi.
