“Yil oʻqituvchisi” tanlovida ishtirok etayotgan pedagoglar tegishli platforma orqali birinchi bosqich natijalari (egallangan ball va oʻrin) bilan tanishishlari, shuningdek, oʻz natijalaridan norozi boʻlgan nomzodlar elektron shaklda ariza (shikoyat) berishi mumkinligi haqida xabar berilgan edi.
Vazirlar Mahkamasining 2025-yil 28-apreldagi tegishli qarori bilan tasdiqlangan ‘‘“Yil oʻqituvchisi” tanlovini oʻtkazish tartibi toʻgʻrisida”gi Nizom talablariga koʻra:
– mazkur arizalarni berish muddati 3 (uch) ish kuni etib belgilanganligi munosabati bilan, arizalarni yuborish ertaga — 21-yanvar kuni soat 23:59 da yakunlanadi.
Maʼlumot uchun: mazkur ariza (shikoyat)lar roʻyxatga olingan kundan boshlab 15 (oʻn besh) ish kunida koʻrib chiqiladi hamda natijasi mazkur muddat davomida pedagoglarning pedagog.uzedu.uz platformasidagi oʻz shaxsiy kabinetlari orqali yuboriladi.
Avvalroq, “Yil oʻqituvchisi” tanlovining 1-bosqichida to‘plangan ball va oʻrinlar e’lon qilingani haqida xabar berilgan edi.
Shuningdek, ayrim pedagoglarga ‘‘Yil o‘qituvchisi’’ga tavsiya etilgan yoki etilmaganligi haqida xabar kelmagani bo‘yicha savollar yuzasidan Ta’lim xabarlari.uz sayti muxbiri mas’ul mutaxassislardan javob olgan edi.
