Bugun barcha xodimlar ishdan kamida 1 soat oldin ketishi mumkin

Mehnat kodeksining 187-moddasiga koʻra, ishlanmaydigan bayram kunlari arafasida har kunlik ishning (smenaning) davomiyligi barcha xodimlar uchun kamida bir soatga qisqartiriladi.

Ertaga, 9-may – Xotira va qadrlash kuni, yaʼni ishlanmaydigan bayram kuni. Demak, bugun barcha xodimlar kamida 1 soat vaqtliroq uyiga ketishiga qonuniy haqqi bor.

187-modda. Ishlanmaydigan bayram kunlari arafasida har kunlik ishning (smenaning) davomiyligi barcha xodimlar uchun kamida bir soatga qisqartiriladi.

 

Bayramdan oldingi kuni ishning (smenaning) davomiyligini qisqartirish imkoni boʻlmagan uzluksiz ishlaydigan tashkilotlarda va ayrim turdagi ishlarda ortiqcha ishlaganlik xodimga qoʻshimcha dam olish vaqti berish yoki xodimning roziligi bilan ish vaqtidan tashqari ish uchun belgilangan normalar boʻyicha haq toʻlash orqali kompensatsiya qilinadi.