2026-yilning 1-yanvaridan 1-iyuniga qadar 5 163 nafar pedagogga amaldagi tartib asosida attestatsiya sinovlarisiz toʻgʻridan-toʻgʻri malaka toifalari berilgan.
Vazirlar Mahkamasining 2021-yil 17-sentyabrdagi 572-son qarori bilan tasdiqlangan nizom talablariga muvofiq, belgilangan talablarga javob beradigan pedagog kadrlarga malaka toifalari sinov jarayonlari oʻtkazilmasdan, toʻgʻridan-toʻgʻri berilishi qayd etilgan.
Maktabgacha va maktab taʼlimi vazirligi maʼlumotiga koʻra, 2026-yilning 1-yanvaridan 1-iyuniga qadar pedagoglarning murojaatlari asosida jami 5 163 nafar pedagogga malaka toifasi berilgan.
Jumladan:
— 1 933 nafar pedagogga oliy malaka toifasi;
— 2 014 nafar pedagogga birinchi malaka toifasi;
— 1 216 nafar pedagogga ikkinchi malaka toifasi berilgan.
Qayd etilishicha, rasmiylashtirilgan malaka toifalari pedagoglarning shaxsiy kabinetlariga yuborilgan.
Avvalroq, akademik litsey va texnikumlar pedagoglarining attestatsiya natijalari tasdiqlangani haqida xabar bergan edik.
