Prezident Administratsiyasi rahbari Saida Mirziyoyeva Xonqa tumanida joylashgan mukammal ta’mirga muhtoj 2-maktabni ko‘zdan kechirdi.
Yuzdan ortiq muammoli masala qisqa fursatda o‘z yechimini topdi. Biroq obyektlarning soni va ko‘lamidan qat’i nazar, jamoamiz ularning barchasini bitta-bitta, sinchiklab va oxirigacha o‘rganib chiqadi, – deya yozadi Saida Mirziyoyeva telegram kanalida.
Shuningdek, administratsiya rahbari Davlat xoreografiya akademiyasining Urganch filialida ham bo‘lgan. Hozirda o‘quv auditoriyalari hamda akademiyaning bo‘lajak tarbiyalanuvchilari maktab-internati bitta binoda joylashgan. Kelgusida qo‘shimcha bino qurilib, har bir muassasa o‘zining alohida, to‘laqonli sharoitiga ega bo‘lishi aytildi.
Avvalroq Saida Mirziyoyeva jurnalist va bloger Kirill Atlmanga intervyu bergan edi. U intervyu davomida ta’lim haqida ham fikr bildirgan.
