Joriy yilning 15-aprelidan boshlab maktabgacha, umumiy oʻrta va maktabdan tashqari taʼlim tashkilotlari pedagoglari uchun oʻquv fanlaridan malaka (test) sinovlari ushbu manzillarda oʻtkazilishi toʻgʻrisida xabar bergan edik.
13-14-may kunlari mazkur sinovlarda Maktabgacha taʼlim muassasalari tarbiyachisi, maktabgacha taʼlim tashkiloti psixologi, musiqa xodimi (musiqa rahbari), rus tili (maktabgacha), ingliz tili (maktabgacha), fransuz tili (maktabgacha), nemis tili (maktabgacha), jismoniy tarbiya yoʻriqchisi (maktabgacha), oʻqituvchi-defektolog (maktabgacha), oʻqituvchi-logoped (maktabgacha) va tarbiyachi-metodist (MTT direktor oʻrinbosari)lari ishtirok etadilar.
Quyidagi roʻyxatlar orqali pedagoglar test topshiradigan aniq sanasini, guruhini va vaqtini bilib olishlari mumkin!
Attestatsiyaga jalb qilingan pedagoglarga ortiqcha ovoragarchilik va kutib qolishning oldini olish maqsadida attestatsiya sinovlariga Shaxsni tasdiqlovchi hujjat va murojaat yuborishda toʻldirilgan SOʻROVNOMA bilan oʻzlari uchun belgilangan vaqtdan yarim soat oldin yetib kelishlari yetarli ekanligini eslatib oʻtiladi.
