Kuzgi ta’til davomida maktab o‘quvchilari mutolaa qilishi uchun 15 ta badiiy asar tavsiya etildi. Ro‘yxat boshlang‘ich, 5–9-sinf hamda 10–11-sinf o‘quvchilari uchun alohida shakllantirilgan.
Kuzgi ta’til davomida maktab o‘quvchilarining bo‘sh vaqtini mazmunli tashkil etish va kitobxonlik madaniyatini oshirish maqsadida Ta’lim va ilm-fan vazirligi tomonidan turli yoshdagi o‘quvchilar uchun badiiy adabiyotlar ro‘yxati tavsiya etildi.
Tavsiya etilgan kitoblar o‘quvchilarning sinflariga qarab uch guruhga ajratilgan.
1–4-sinf o‘quvchilari uchun:
- “Buvamning oshqozonidagi mamlakat” — Qobiljon Shermatov;
- “Zahramahr qo‘rquvlari yoxud hamma narsaga kim aybdor?” — Madina Mo‘minova;
- “Amir Temur haqida hikoyalar” — To‘lqin Hayit;
- “Bir bor ekan — pul bor ekan” — Namoz Sa’dullayev;
- “Maugli” — Redyard Kipling.
5–9-sinf o‘quvchilari uchun:
- “Galaktikada bir kun” — Sa’dulla Quronov;
- “O‘tmishdan ertaklar” — Abdulla Qahhor;
- “Jayhun ustida bulutlar” — Mirkarim Osim;
- “Sohibqiron nabirasi” — Xurshid Davron;
- “G‘aroyib bolalar” — Aziz Nesin.
10–11-sinf o‘quvchilari uchun:
- “Yaldo kechasi” — Xayriddin Sulton;
- “Qutadg‘u bilig” — Yusuf Xos Hojib;
- “Avlodlar dovoni” — Pirimqul Qodirov;
- “Otamdan qolgan dalalar” — Tog‘ay Murod;
- “Martin Iden” — Jek London.
Tavsiya etilgan adabiyotlar ro‘yxatidan o‘quvchilar o‘z yoshiga va qiziqishlariga mos kitoblarni tanlab, kuzgi ta’til davomida mutolaa qilishlari mumkin.
Avvalroq, Maktablarda kuzgi ta’til boshlanish sanasini e’lon qilgan edik.
