Moliyaviy mustaqillik berilgan 40 ta davlat oliygohlari ro‘yxati

Prezident qarori bilan moliyaviy mustaqillik berilayotgan davlat oliy ta’lim muassasalari ro‘yxati tasdiqlangan. Mazkur OTMlar moliyaviy mablag‘lardan foydalanish, xarajatlarni rejalashtirish va universitet faoliyatini rivojlantirish bo‘yicha qator masalalarda mustaqil qaror qabul qilish imkoniyatiga ega bo‘ladi.

Prezidentning “Davlat oliy ta’lim muassasalariga moliyaviy mustaqillik berish chora-tadbirlari to‘g‘risida”gi qarori bilan moliyaviy mustaqillik berilayotgan davlat oliy ta’lim muassasalari ro‘yxati tasdiqlangan.

Moliyaviy mustaqillik universitetga ayrim moliyaviy masalalarni yuqoridan belgilangan tartibni kutmasdan, o‘z imkoniyatlari va ehtiyojlaridan kelib chiqib hal qilish vakolatini beradi.

Jumladan, OTMlarning mablag‘lardan foydalanish, xarajatlarni rejalashtirish va universitet faoliyatini rivojlantirish bo‘yicha qaror qabul qilish imkoniyatlari kengayadi.

Bu talabalarga qanday foyda beradi?

Moliyaviy mustaqil OTMlarda:

• ta’lim sharoitlari va infratuzilmani yaxshilash uchun mablag‘ yo‘naltirish imkoniyati kengayishi;
• laboratoriya, kutubxona va boshqa ta’lim infratuzilmalarini rivojlantirish;
• professor-o‘qituvchilarni moddiy rag‘batlantirish mexanizmlarini qo‘llash;
• yangi ta’lim dasturlari va zamonaviy texnologiyalarni tezroq joriy etish;
• talabalar uchun yangi imkoniyatlarni yaratish;
• OTMning o‘z rivojlanish strategiyasini mustaqilroq shakllantirishi mumkin.

Shu bilan birga, moliyaviy mustaqillik kontrakt narxi albatta oshadi degani emas. Biroq OTMga berilgan qo‘shimcha vakolatlar kontrakt miqdori, ayrim xizmatlar yoki boshqa to‘lovlarga ta’sir qilishi mumkin. Bunday masalalar har bir OTMning alohida qarorlariga bog‘liq.

Quyida moliyaviy mustaqillik berilgan 40 ta OTMlar ro‘yxati:

1. Samarqand davlat chet tillar instituti
2. Samarqand iqtisodiyot va servis instituti
3. Toshkent davlat yuridik universiteti
4. Toshkent davlat iqtisodiyot universiteti
5. Toshkent moliya instituti
6. Toshkent davlat sharqshunoslik universiteti
7. Toshkent farmatsevtika instituti
8. Toshkent davlat transport universiteti
9. Urganch davlat universiteti
10. O‘zbekiston davlat jahon tillari universiteti
11. Andijon mashinasozlik instituti
12. Toshkent kimyo-texnologiya instituti
13. Samarqand davlat universiteti
14. O‘zbekiston Milliy universiteti
15. Toshkent davlat texnika universiteti
16. Toshkent tibbiyot akademiyasi
17. Qoraqalpoq davlat universiteti
18. Qoraqalpog‘iston tibbiyot instituti
19. Buxoro davlat universiteti
20. Buxoro davlat tibbiyot instituti
21. Samarqand davlat tibbiyot universiteti
22. Qarshi davlat universiteti
23. Termiz davlat universiteti
24. Toshkent davlat agrar universiteti
25. Guliston davlat universiteti
26. O‘zbekiston davlat jismoniy tarbiya va sport universiteti
27. Namangan davlat universiteti
28. Farg‘ona davlat universiteti
29. Geologiya fanlari universiteti
30. Andijon davlat universiteti
31. Andijon davlat tibbiyot instituti
32. Jahon iqtisodiyoti va diplomatiya universiteti
33. Toshkent pediatriya tibbiyot instituti
34. Toshkent davlat stomatologiya instituti
35. Toshkent axborot texnologiyalari universiteti
36. Nizomiy nomidagi Toshkent davlat pedagogika universiteti
37. “TIQXMMI” Milliy tadqiqot universiteti
38. Toshkent arxitektura-qurilish universiteti
39. Samarqand davlat arxitektura-qurilish universiteti
40. Soliq qo‘mitasi huzuridagi Fiskal instituti