“Asosiy fanlarga 1,5 yil tayyorlandim”: samarqandlik o‘quvchi qiz muddatidan avval 189 ballni naqd qildi

“Asosiy fanlarga 1,5 yil tayyorlandim”: samarqandlik o‘quvchi qiz muddatidan avval 189 ballni naqd qildi

Samarqand viloyati Narpay tumanidagi 55-sonli umumiy o‘rta ta’lim maktabining 11-sinf o‘quvchisi Abdurazzoqova Kumush Oybek qizi bir nechta fanlardan milliy sertifikatlarni qo‘lga kiritib, muddatidan avval talaba bo‘lish imkoniyatiga ega bo‘ldi.

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Kelgusida u Toshkent davlat Sharqshunoslik universitetining Xitoy tili filologiyasi yo‘nalishiga hujjat topshirishni rejalashtirmoqda.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠ Talimxabarlari.uz muxbiri o‘quvchi bilan suhbatlashib, uning tayyorgarlik jarayoni va muvaffaqiyat siri haqida so‘radi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

“Doimiy izlanish va ustozlarimning ishonchi menga kuch berdi”

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Kumushning aytishicha, milliy sertifikat olish g‘oyasi 2024-yilning ikkinchi yarmida paydo bo‘lgan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Sertifikat olish fikri menga 2024-yilning 2-yarmida keldi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠ Tayyorgarlik jarayonida albatta qiyinchiliklar bo‘ldi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠ Ammo doimiy izlanishlarim, ota-onamning qo‘llab-quvvatlashi hamda ustozlarim, ayniqsa sinf rahbarim Rahmatova Zulxumor Obloqulovnaning ishonchi sababli shunday natijaga erishdim, — deydi u.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Tayyorlanish uchun qancha vaqt ketdi?

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

O‘quvchining so‘zlariga ko‘ra, asosiy fanlardan sertifikat olish uchun ancha vaqt davomida tayyorgarlik ko‘rgan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Asosiy fanlar uchun o‘rtacha 1,5 yil, majburiy fanlar uchun esa 4–6 oy davomida tayyorlandim, — deydi Kumush.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

O‘quvchi 4 ta fandan quyidagi natijalarni qayd etgan:⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

O‘zbek tili va adabiyot — A⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Tarix — B⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Matematika — C+⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Ingliz tili — CEFR B2⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Tayyorgarlik davomida u asosan repetitor mashg‘ulotlari hamda turli onlayn platformalardan foydalangan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

‘‘Eng samarali usul — doimiy takrorlash’’

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Kumushning ta’kidlashicha, tayyorgarlik jarayonida eng muhim usul — hech bir mavzuni e’tibordan chetda qoldirmaslik va o‘tilgan mavzularni muntazam takrorlash.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Hech bir mavzuni e’tibordan chetda qoldirmasdan, o‘tilgan mavzularni doimiy takrorlardim.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠ Har bir mavzuni qayta ko‘rib chiqib, testlar ishlash orqali bilimlarimni mustahkamlab bordim, — deydi u.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Uning ta’kidlashicha, imtihon savollari tayyorgarlik jarayonidagi testlarga nisbatan osonroq bo‘lgan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Maktab va tayyorgarlikni qanday uyg‘unlashtirdi?

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Kumush kun tartibini aniq rejalashtirganini aytadi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Ertalab soat 8:15 dan 13:45 gacha maktab darslarida qatnashardim.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠ Tushdan keyin faqat qo‘shimcha darslar va mustaqil tayyorgarlik bilan shug‘ullanganman.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Intensiv tayyorgarlik jarayonida uyqu rejimi ham biroz o‘zgarganini bildirdi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Uyqu rejimimda ham o‘zgarishlar bo‘ldi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠ Ba’zida 22:00 dan 3–4 gacha uxlab, qolgan vaqtda dars tayyorlardim, — qo‘shimcha qiladi u.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

“Natijam past chiqsa, tushkunlikka tushardim..”

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Boshqa o‘quvchilar kabi u ham ba’zi paytlarda qiyinchiliklarga duch kelgan.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Sinov testlar natijalari past chiqqan paytlarda tushkunlikka tushardim.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠ Bunday vaqtlarda onam menga ruhiy dalda berib, yana davom etishimga yordam bergan, — deydi u.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

““Vaqtni o‘g‘irlaydigan” ilovalarni vaqtinchalik o‘chirdim”

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

U ijtimoiy tarmoqlardan faqat o‘qish uchun foydalanganini aytadi.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Ijtimoiy tarmoqlardan asosan videodarslar ko‘rish uchun foydalandim.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠ Tayyorgarlik jarayonida ““Vaqtni o‘g‘irlaydigan” ilovalarni vaqtincha o‘chirib qo‘yishni yoki umuman ishlatmaslikni tavsiya qilaman.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Kumush milliy sertifikat olishni istagan tengdoshlariga quyidagi maslahatlarni berdi:⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Doimiy izlanishlar, qat’iyat va aniq maqsad juda muhim.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠ Eng asosiysi esa bilimli va tajribali ustozlardan ta’lim olish.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Maktablarda iqtidorli o‘quvchilarni ko‘paytirish uchun nima qilish kerak deb o‘ylaysiz?

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Uning fikricha, maktablarda bilim sifatini oshirish uchun nazorat kuchli bo‘lishi zarur.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Maktablarda kuchli nazorat bo‘lishi va har bir o‘quvchining yaxshi o‘qishi ta’minlanishi kerak.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠ Bu jarayonda ota-onalar ham mas’uliyat bilan yondashishi muhim, — deydi u.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Kumushni o‘qishlariga muvaffaqiyat tilab qolamiz!⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

 ⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠

Avvalroq, 5 ta fandan milliy sertifikatlarga ega bo‘lib, muddatidan oldin 189 ball to‘plagan navoiylik 11-sinf o‘quvchisi Kamronbek G‘ulomov bilan suhbatlashgan edik.⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠ Intervyuni o‘qish⁠⁠‌‌‌‌‌‌‌⁠‌‌‌‌‌‌‌‌‌‌⁠‌⁠‌‌‌‌‌‌⁠‌⁠⁠