2026-yil 1-yanvardan boshlab Maktab direktori va uning oʻrinbosarlariga quyidagi faoliyat koʻrsatkich samaradorligi (KPI) koʻrsatkichlari boʻyicha ustama belgilanadi.
Jami 100 ballik koʻrsatkich asosida baholanadi. Bundan:
– akademik natijalar uchun — 40 ball;
– noakademik natijalar uchun — 10 ball;
– tarbiyaviy ishlar samaradorligi uchun — 15 ball;
– moliyaviy faoliyat samaradorligi uchun — 5 ball;
– malakali oʻqituvchilar bilan taʼminlanganlik darajasi uchun — 30 ball.
Shuningdek, koʻrsatkichlarning natijalariga qarab belgilangan ballarga nisbatan ustama foizlari belgilanadi. Jumladan:
Maktab direktoriga:
– 20 foiz — 91-100 ball;
– 15 foiz — 81-90 ball;
– 10 foiz — 71-80 ball;
– 5 foiz — 61-70 ball.
Maktab direktori oʻrinbosarlariga:
– 10 foiz — 91-100 ball;
– 7.5 foiz — 81-90 ball;
– 5 foiz — 71-80 ball;
– 2.5 foiz — 61-70 ball.
60 ball va unda past boʻlsa ustama belgilanmaydi.
Koʻrsatkichlar umumtaʼlim muassasasining Ishchi guruhi tomonidan baholanadi.
Avvalroq, 2025-yil 30-dekabrda Maktabgacha va maktab taʼlimi vazirligining “Umumiy oʻrta taʼlim muassasalari direktori va uning oʻrinbosarlari faoliyat samaradorligi koʻrsatkichlarining (KPI) baholash metodikasi va tartibini belgilash” toʻgʻrisidagi 478-sonli buyrugʻi qabul qilingani haqida xabar bergan edik.
