Sovuq yoki kunnig qisqarib ketganligi sababli darslar vaqtini 45 daqiqadan 40 daqiqagacha o’zgartirib, tanaffuslar vaqtini 5 daqiqagacha qisqartirsak boʻladimi?
Vazirlar Mahkamasining 2017-yil 15-martdagi 140-sonli qarori bilan tasdiqlangan «Umumiy oʻrta taʼlim toʻgʻrisida«gi Nizomning 25-bandida taʼlim muassasalarida oʻquv-tarbiya jarayonini tashkil etishdagi aniq muddatlar belgilab berilgan.
oʻquv yilining davomiyligi — 34 hafta (1-sinflar uchun 33 hafta);
oʻquv haftasining davomiyligi — 6 kun (pedagogik kengashning qaroriga koʻra 1-5-sinflar uchun 5 kun);
dars mashgʻulotining davomiyligi — 45 daqiqa;
dars mashgʻulotlari oraligʻidagi tanaffusning davomiyligi — 5-10 daqiqa (oʻquv kuni oʻrtasidagi tanaffusning davomiyligi — 15-30 daqiqa).
Maktab maʼmuriyati yuqorida belgilab berilgan muddatlarga toʻliq rioya qilishi zarur. Xulosa qilib aytganda, dars jarayoni vaqtini 45 daqiqadan 40 daqiqaga qisqartirish mumkin emas. Ammo dars mashgʻulotlari oraligʻidagi tanaffuslarning davomiyligini 5 daqiqagacha qisqartirish mumkin.
