O‘zbekiston Respublikasi Vazirlar Mahkamasining 2017-yil 21-noyabrdagi 930-sonli “Oliy ta’lim muassasasida sirtqi (maxsus sirtqi) ta’limni tashkil etish tartibi to‘g‘risidagi” nizomida oliy ta’lim muassasalarida bakalavriat ta’lim yo‘nalishlari bo‘yicha sirtqi, maxsus sirtqi va kechki ta’lim shakllarida o‘qitish tartibi belgilangan. Ushbu nizom hozir ham amalda.
Nizomning yettinchi bandiga ko‘ra, sirtqi (maxsus sirtqi) ta’limda o‘qish muddati:
sirtqi shaklda — kamida 5 yil;
maxsus sirtqi shaklda — kamida 3 yil;
ikkinchi va undan keyingi oliy ta’lim negizidagi sirtqi shaklda — kamida 3 yil. (O‘qish o‘quv rejalaridagi fanlar farqidan qat’i nazar, bakalavriat ta’lim yo‘nalishining 2-kursidan boshlanadi).
