Oʻzbekiston terma jamoasi Koreyada oʻtkazilgan xalqaro robototexnika musoboqasida 3 ta oltin medalni qoʻlga kiritib, jahon chempioni boʻldi. Prezident farmoni bilan gʻoliblar va ularning murabbiylari mukofotlandi.
Janubiy Koreyaning Incheon shahrida 7–10-oktyabr kunlari oʻtkazilgan “First Global Challenge – 2026” xalqaro robototexnika musobaqasida Oʻzbekiston terma jamoasi 3 ta oltin medalni qoʻlga kiritib, 16 ta oʻyinning barchasida gʻalaba qozondi va 637 ball bilan jahon chempioni boʻldi.
Oʻzbekiston Respublikasi Prezidenti “Robototexnika boʻyicha xalqaro musobaqa gʻoliblari va ularning murabbiylarini mukofotlash toʻgʻrisida”gi Farmonni imzoladi.
Farmonga koʻra, musoboqa ishtirokchilari va murabbiylari quyidagicha mukofotlandi:
“Sodiq xizmatlari uchun” medali bilan
Boʻtaxonov Ziyodulla Zoyirjon oʻgʻli – Robototexnika boʻyicha Oʻzbekiston jamoasi bosh murabbiysi
“Kelajak bunyodkori” medali bilan
Salomov Ibroxim Uktamovich – jamoa sardori
Abdujabborov Abdullox Abdugʻofur oʻgʻli – jamoa texnik murabbiysi
Akbarov Shoxruxbek Aʼzamjon oʻgʻli – jamoa aʼzosi
Kosimov Akbarshox Anvar oʻgʻli – jamoa aʼzosi
Miraxmedov Ayubxon Anvar oʻgʻli – jamoa aʼzosi
Pardayev Umarbek Sherzod oʻgʻli – jamoa aʼzosi
Sodiqov Shukrullo Sherali oʻgʻli – jamoa aʼzosi
Teshabayev Maxkambek – jamoa aʼzosi
Teshabayeva Safina – jamoa menejeri
Tojiqoʻziyev Jasurbek Rustamjon oʻgʻli – jamoa aʼzosi
Urmanov Baxodir Doniyorovich – jamoa aʼzosi
Urmanov Xondamir Doniyorovich – jamoa aʼzosi
Yusupxoʻjayev Hasanxon Alisher oʻgʻli – jamoa menejeri
Bugun, 13-oktyabr kuni “Inno” innovatsion oʻquv-ishlab chiqarish texnoparkida xalqaro musobaqa gʻoliblari va ularning murabbiylarini tantanali taqdirlash marosimi boʻlib oʻtdi.
Tadbirda Oʻzbekiston Respublikasi Bosh vazirining birinchi oʻrinbosari — taʼlim va ilm-fan vaziri Erkinjon Turdimov, Raqamli texnologiyalar vaziri Sherzod Shermatov va Yoshlar ishlari agentligi direktori Alisher Saʼdullayevlar ishtirok etib, musobaqa gʻoliblari va ularning murabbiylariga mukofotlari topshirildi.
Erkinjon Turdimov oʻz nutqida yoshlarning ilm-fan va texnologiyalar sohasidagi yutuqlari mamlakat kelajagi uchun muhim ahamiyatga ega ekanini qayd etdi.
