Maktabgacha va maktab ta’limi vazirligi “Yil o‘qituvchisi” tanlovining uchinchi bosqichida ishtirok etuvchi pedagoglar uchun tavsiya etilgan ijtimoiy-siyosiy va badiiy adabiyotlar ro‘yxatini e’lon qildi.
Xabaringiz bor, Maktabgacha va maktab taʼlimi vazirligi tomonidan umumiy oʻrta taʼlim muassasalari pedagoglari oʻrtasida “Yil oʻqituvchisi” tanlovi oʻtkazib kelinmoqda.
Vazirlar Mahkamasining 2025-yil 28-apreldagi tegishli qarori bilan tasdiqlangan “Yil oʻqituvchisi” tanlovini oʻtkazish tartibi toʻgʻrisida”gi Nizom talablariga koʻra, tanlovning uchinchi bosqichida nomzodlarning maʼnaviy-maʼrifiy faoliyati samaradorligi hamda kitobxonligi baholanishi belgilangan.
Mazkur bosqichda quyida tavsiya etilayotgan ijtimoiy-siyosiy hamda badiiy adabiyotlardan foydalanishingiz mumkin:
- “Oʻzbekiston Respublikasi Konstitutsiyasi”
- Oʻzbekiston Respublikasining “Taʻlim toʻgʻrisida”gi Qonuni
- Oʻzbekiston Respublikasining “Pedagogning maqomi toʻgʻrisida”gi Qonuni
- “Milliy tiklanishdan – milliy yuksalish sari” (Sh.Mirziyoyev)
- “Hozirgi zamon va Yangi Oʻzbekiston” (Sh.Mirziyoyev)
- “Yangi Oʻzbekiston taraqqiyot strategiyasi” (Sh.Mirziyoyev)
- “Sohibqiron” (Abdulla Oripov)
- “Turkiy guliston yoxud axloq” (Abdulla Avloniy)
- “Oʻtkan kunlar”, “Mehrobdan chayon” (Abdulla Qodiriy)
- “Navoiy” (Oybek)
- “Kecha va Kunduz” (Choʻlpon)
- “Ikki eshik orasi” (Oʻtkir Hoshimov)
- “Ufq” (Said Ahmad)
- “Asrga tatigulik kun” (Chingiz Aytmatov)
- “Martin Iden” (Jek London)
- “Qoʻrqma” (Javlon Jovliyev)
- “Otamdan qolgan dalalar” (Togʻay Murod)
- “Yulduzli tunlar” (Pirimqul Qodirov)
- “Ulugʻbek xazinasi” (Odil Yoqubov)
- “Alkimyogar” (Paulo Koelo)
Avvalroq, nega ayrim pedagoglarga “Yil o‘qituvchisi”ga tavsiya etilgan yoki etilmaganligi bo‘yicha xabar kelmagani haqida ma’lumot berilgandi.
