O‘zbekiston Respublikasi Prezidentining «Muborak Qurbon hayitini nishonlash to‘g‘risida»gi Qarori imzolandi.
Qarorga ko’ra, 27-may Qurbon hayitining birinchi kuni deb belgilandi va shu munosabat bilan ish haftasining turidan qat’iy nazar barcha xodimlar ketma-ket 5 kun dam oladi.
Ma’lumot uchun Mehnat kodeksining 208-moddasiga muvofiq, Qurbon hayitning birinchi kuni ishlanmaydigan bayram kuni sifatida belgilangan. Shuningdek, Prezidentining “2026-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi PF–257-son Farmoni bilan quyidagilar qo‘shimcha dam olish kuni sifatida belgilangani
Shundan kelib chiqib, ish haftasining turidan qat’i nazar barcha xodimlar uchun 2026-yilning 28-may – payshanba, 29-may – juma kunlari va olti kunlik ish haftasida ishlaydigan xodimlar uchun 30-may – shanba kuni dam dam olish kuni deb belgilandi.
Kelasi hafta 5 kun dam olish kuni bo’ladi:
27-may, chorshanba – Qurbon hayiti;
28-may, payshanba – barcha uchun qo‘shimcha dam olish kuni;
29-may, juma – barcha uchun qo‘shimcha dam olish kuni;
30-may, shanba – haftada 6 kun ishlaydiganlar uchun qo‘shimcha dam olish kuni;
31-may, yakshanba – barcha uchun odatiy dam olish kuni.
«Bugungi kunda jamiyatimiz hayotida “Inson qadri uchun, inson baxti uchun”, degan ezgu g‘oyani chuqur qaror toptirishda barcha milliy va diniy qadriyatlarimiz qatori insonparvarlik, saxovat, shukronalik va bag‘rikenglik kabi olijanob fazilatlarni o‘zida mujassam etgan muborak Qurbon hayiti ham g‘oyat muhim ahamiyat kasb etib bormoqda. Ayniqsa, mamlakatimizda ijtimoiy davlat barpo etish, yurtdoshlarimiz o‘rtasida mehr-oqibatni kuchaytirish, yordamga muhtoj insonlarni qo‘llab-quvvatlash, hech kimni mehr va e’tibordan chetda qoldirmaslik borasida bu bayramning bezavol an’analari biz uchun kuch-g‘ayrat va ilhom manbai bo‘lib xizmat qilmoqda», – Prezident Shavkat Mirziyoyev.
