Bolalarni davlat MTTga qabul qilish Vazirlar Mahkamasining 2018-yil 28-martdagi 244-son qarori bilan tasdiqlangan ma’muriy reglament asosida amalga oshiriladi.
1-qadam. Ariza topshirish
Ota-ona yoki qonuniy vakil murojaat qiladi:
-Davlat xizmatlari markaziga shaxsan yoki Yagona interaktiv davlat xizmatlari portali orqali onlayn;
– shuningdek, bola tug‘ilganda FHDYo orqali tug‘ilganlik guvohnomasi olinayotganda bir vaqtning o‘zida navbatga qo‘yish ham mumkin.
2-qadam. Bog‘chalarni tanlash
Navbatga qo‘yishda bir vaqtning o‘zida 3 tagacha MTT tanlash mumkin.
Bu sizga joy chiqish ehtimolini oshiradi.
3-qadam. Navbat turi belgilanadi
Bola navbatga ikki xil tartibda qo‘yiladi:
– oddiy navbat;
-imtiyozli navbat (agar hujjatlar asosida imtiyoz bo‘lsa).
Imtiyozli toifa avtomatik tarzda tizimda aks ettiriladi.
4-qadam. Navbatni onlayn kuzatish
Navbat holatini https://navbat.uzedu.uz sayti orqali doimiy tekshirib borish mumkin.
Bu yerda:
– navbat raqami;
– qaysi bog‘chada navbatda turgani;
– harakatlar holati ko‘rinadi.
5-qadam. Bo‘sh joy bo‘lsa — yo‘llanma beriladi
MTTlarda bo‘sh joylar elektron tarzda hisobga olinadi.
Maktabgacha ta’limni boshqarish axborot tizimi (MTBAT) orqali avtomatik shakllantiriladi.
Shu jumladan:
– davlat MTTlar;
– DXSh asosidagi nodavlat MTTlar;
– ijtimoiy kvotalar bo‘yicha yo‘llanmalar hammasi elektron tarzda amalga oshiriladi.
Bu tizim nima uchun kerak?
– tizim inson omilini kamaytirish;
– navbatda adolatni ta’minlash;
– ota-onalar uchun jarayonni ochiq qilishga xizmat qiladi.
