O‘zbekistonda tennisni ommalashtirish bo‘yicha 2030-yilgacha mo‘ljallangan yangi maqsadlar belgilandi. Unga ko‘ra, tennischilar va trenerlar soni oshiriladi, xalqaro musobaqalar soni kengaytiriladi.
Prezidentning 2026-yil 21-sentyabrdagi “Tennis sport turini ommalashtirish va rivojlantirish chora-tadbirlari toʻgʻrisida”gi 347-son qarori qabul qilindi.
Qarorga ko‘ra, 2030-yilgacha O‘zbekistonda tennis bilan doimiy shug‘ullanuvchilar sonini 3 ming nafarga, sport turi bo‘yicha trenerlar sonini 200 nafarga yetkazish rejalashtirilgan.
Shuningdek, tennis bo‘yicha Osiyoning top-5 mamlakati qatoridan joy olishi hamda tennisni istiqbolli sport turlari qatoriga kiritish choralarini ko‘rish belgilangan.
2026-yil 1-oktyabrdan anʼanaviy tarzda tennis boʻyicha Oʻzbekiston Respublikasida quyidagi musobaqalarni oʻtkazib borish yoʻlga qoʻyiladi. Bunda:
- Professional tennischilar assotsiatsiyasi (ATP) va Ayollar tennisi assotsiatsiyasi (WTA) hamda Xalqaro tennis federatsiyasi (ITF) shafeligi ostida boʻlib oʻtadigan xalqaro tennis musobaqalari;
- yoshlar va kattalar oʻrtasida Oʻzbekiston kubogi;
- yoshlar, oʻsmirlar va kattalar oʻrtasida Respublika chempionati;
- kattalar oʻrtasida “Uzbekistan open” xalqaro turniri;
- erkaklar oʻrtasida “ATP Challenger” xalqaro musobaqasi.
Avvalroq, shaxmat olimpiadasi gʻoliblariga 200 ming dollargacha mukofot puli berilishi haqida xabar berilgandi.
