O‘zbekistonda 2025/2026 o‘quv yili boshida faoliyat yuritayotgan umumiy o‘rta ta’lim tashkilotlari soni 11 118 tani tashkil etdi. Bu 1991/1992 o‘quv yilidagi ko‘rsatkichdan 1,3 barobar ko‘p.
Milliy statistika qo‘mitasi ma’lumotlariga ko‘ra, mamlakatda umumiy o‘rta ta’lim tashkilotlari soni so‘nggi yillarda bosqichma-bosqich oshib borgan.
Xususan, 1991/1992 o‘quv yilida O‘zbekistonda 8 557 ta umumiy o‘rta ta’lim tashkiloti faoliyat yuritgan bo‘lsa, 2000/2001 o‘quv yiliga kelib bu ko‘rsatkich 9 726 taga yetgan.
Keyingi yillarda ham maktablar sonida o‘sish kuzatilgan. 2010/2011 o‘quv yilida 9 806 ta, 2020/2021 o‘quv yilida 10 181 ta, 2022/2023 o‘quv yilida 10 522 ta umumiy o‘rta ta’lim tashkiloti faoliyat yuritgan.
Umumiy o‘rta ta’lim tashkilotlari sonining o‘quv yillari kesimidagi dinamikasi:
| O‘quv yili | Umumiy o‘rta ta’lim tashkilotlari soni |
|---|---|
| 1991/1992 | 8 557 ta |
| 1995/1996 | 9 289 ta |
| 2000/2001 | 9 726 ta |
| 2005/2006 | 9 803 ta |
| 2010/2011 | 9 806 ta |
| 2015/2016 | 9 720 ta |
| 2020/2021 | 10 181 ta |
| 2021/2022 | 10 289 ta |
| 2022/2023 | 10 522 ta |
| 2023/2024 | 10 750 ta |
| 2024/2025 | 10 943 ta |
| 2025/2026 | 11 118 ta |
2023/2024 o‘quv yilida maktablar soni 10 750 ta, 2024/2025 o‘quv yilida esa 10 943 tani tashkil etgan.
2025/2026 o‘quv yili boshiga kelib, ushbu ko‘rsatkich 11 118 taga yetgan.
Shunday qilib, 1991/1992 o‘quv yilidan 2025/2026 o‘quv yiliga qadar O‘zbekistondagi umumiy o‘rta ta’lim tashkilotlari soni 2 561 taga ko‘paygan.
Avvalroq, O‘zbekistonda sport maktablari eng ko‘p qaysi hududlarda tashkil etilgani haqida statistika e’lon qilingandi.
