Hukumatning 2025-yil 7-avgust kunidagi 500-son qarori bilan “Jismoniy tarbiya-sport tashkilotlarining trener-oʻqituvchilari va yoʻriqchi-uslubchilariga malaka toifalarini berish tartibi toʻgʻrisida”gi nizom tasdiqlandi.
Nizomga koʻra, davlat xizmati “ERP sport” tizimi orqali Sport vazirligi tomonidan koʻrsatiladi. Davlat xizmati koʻrsatilgani uchun BHMning 1 baravari miqdorida toʻlov undiriladi.
Trener-oʻqituvchilar va yoʻriqchi-uslubchilarga ikkinchi, birinchi va oliy malaka toifalari beriladi.
‘‘ERP sport” tizimida maʼlumotlar toʻliq shakllangandan soʻng 1 ish kunida QR-kod qoʻyilgan holda elektron shaklda malaka toifasi toʻgʻrisida guvohnoma rasmiylashtiriladi.
Bu haqida avtomatik tarzda trener-oʻqituvchilar va yoʻriqchi-uslubchilarga “Elektron hukumat” tizimining idoralararo integratsiyalashuv platformasi orqali SMS-xabarnoma yuboriladi.
Malaka toifasi 4 yil muddatga beriladi.
