6 oyda 1 370 nafar o‘smir sudlandi: Voyaga yetmaganlar orasida jinoyatchilik nega ko‘paymoqda?

6 oyda 1 370 nafar o‘smir sudlandi: Voyaga yetmaganlar orasida jinoyatchilik nega ko‘paymoqda?

O‘zbekistonda 2026-yilning dastlabki 6 oyida 1 370 nafar voyaga yetmagan shaxs sudlangan.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Bu ko‘rsatkich o‘tgan yilning mos davriga nisbatan 115 nafarga yoki 9,1 foizga ko‘p.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Mutaxassislar esa o‘smirlar jinoyat sodir etishining sabablarini faqat tarbiya yoki nazorat bilan bog‘lash yetarli emasligini ta’kidlamoqda.

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Voyaga yetmaganlar orasidagi jinoyatchilik haqida gap ketganda, ko‘pincha jinoyatning o‘zi va unga nisbatan belgilangan jazo muhokama qilinadi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Biroq masalaning yana bir muhim tomoni — bolani shu nuqtaga olib kelgan sabablar.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

“Mahalla” telekanalining “Joyida” informatsion dasturida voyaga yetmaganlar orasida jinoyatchilikning oldini olish masalasi muhokama qilindi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

2026-yilning birinchi yarmida O‘zbekistonda 1 370 nafar voyaga yetmagan shaxs sudlangan.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Oliy sud matbuot xizmati ma’lumotiga ko‘ra, bu raqam 2025-yilning shu davriga nisbatan 115 nafarga ko‘p.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Ya’ni voyaga yetmaganlar orasida sudlanganlar soni bir yil ichida 9,1 foizga oshgan.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Mutaxassislar fikricha, bu raqamlarni faqat jinoyat statistikasi sifatida ko‘rish yetarli emas.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ O‘smirning psixologik holati, oiladagi muhit, maktabdagi munosabatlar va uning atrofidagi ijtimoiy muhit ham masalaning muhim qismini tashkil etadi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Psixolog: o‘smirning miya rivojlanishini tushunish kerak

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Bolalar shifokori va psixolog Muazzam Ibrohimovaning ta’kidlashicha, o‘smirlik davrida inson miyasidagi ayrim jarayonlar faol rivojlanadi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Shu sababli bu yoshdagi bolalar tengdoshlari orasida tan olinish, rag‘bat yoki e’tirofga kuchli ehtiyoj sezishi mumkin.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

“10–20 yosh orasidagi o‘smirlarda miya faoliyati o‘ta faollashadi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Miyada limbik hamda mukofot tizimlari boshqa yoshga nisbatan tez rivojlanadi”, — deydi mutaxassis.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Uning tushuntirishicha, o‘smir uchun tengdoshlari orasida qanday mavqega ega ekani, uni boshqalar tan olishi yoki undan qo‘rqishi kabi omillar muhim bo‘lib qolishi mumkin.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Psixolog maktab va ota-onalar o‘rtasida bolani tarbiyalash mas’uliyatini bir-biriga yuklash ham muammoni hal qilmasligini ta’kidlaydi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

“Buni ota-onasi aybdor, biz aybdor emasmiz, biz faqat ilm berishimiz kerak, deb javob berishadi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Uydagi ota-ona esa: ‘Men yetarli tarbiyani qo‘limdan kelganicha beryapman, bu maktab aybdor’, deydi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Aslida aybni bir-biriga yuklashdan ko‘ra, o‘sha o‘smir fiziologiyasini, miya rivojlanishini ikkala tomon ham to‘g‘riroq tushunishi kerak”, — deydi Muazzam Ibrohimova.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Maktablarda psixologlar va konfliktologiya masalasi

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Mutaxassis ta’lim muassasalarida psixologik yordam tizimini kuchaytirish zarurligini ham qayd etadi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Uning fikricha, maktablarda psixologiya bilan bog‘liq bilimlarni o‘rgatishga yo‘naltirilgan darslarni takomillashtirish, maktab psixologlarining malakasini oshirish va konfliktlarning oldini olishga ko‘proq e’tibor qaratish kerak.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

“Psixologlarni o‘zi qaytadan o‘qitishi kerak.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Bitta psixolog shtati bor.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ U nimaga ulguradi?⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ … Malakali psixologlarni olib kelib turib, konfliktologiya fanini o‘quv tizimiga joriy qilmayotgan tizimni ayblayapman”, — deydi u.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Psixolog konfliktologiya bo‘yicha bilimga ega bo‘lgan o‘qituvchi o‘quvchilar o‘rtasidagi kelishmovchilikni jiddiy mojaro darajasiga yetib borishidan oldin to‘xtatishi mumkinligini aytadi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

“Janjal o‘z-o‘zidan bir-birini urish darajasiga yetib bormaydi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Avval so‘zma-so‘z jang ketadi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ O‘shanda agar konfliktologiyadan xabari bor, o‘qigan o‘qituvchi ma’lum bir nuqtada o‘zini to‘xtatadi”, — dedi Muazzam Ibrohimova.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Voyaga yetmaganlar uchun qonunda alohida tartiblar mavjud

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Jinoyat ishlari bo‘yicha Uchtepa tuman sudi tergov sudyasi Xurshid Sodiqov voyaga yetmaganlarning huquqiy maqomi va jinoyat ishlari bo‘yicha ularga nisbatan qo‘llanadigan tartiblar haqida ma’lumot berdi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Sudyaning aytishicha, qonunchilikda voyaga yetmaganlar deganda 18 yoshga to‘lmagan shaxslar tushuniladi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

“Voyaga yetmaganlar deganda 18 yoshga to‘lmagan shaxslar tushuniladi.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Jinoyat ta’qibiga olingan voyaga yetmagan shaxsning huquqlarini himoya qilish jarayonida advokat bilan bir qatorda uning qonuniy vakillari — ota-onasi yoki ota-ona o‘rnini bosuvchi shaxslar ham ishtirok etadi”, — deydi Xurshid Sodiqov.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Sudyaning tushuntirishicha, voyaga yetmaganlarga nisbatan ehtiyot chorasi tanlashda ham qonunchilikda bir nechta imkoniyatlar mavjud.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Jumladan, garov, shaxsiy kafillik, munosib xulq-atvorda bo‘lish haqidagi tilxat, uy qamog‘i yoki qamoqqa olish kabi ehtiyot choralari qo‘llanishi mumkin.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

IIV: 3 mingga yaqin voyaga yetmagan profilaktik hisobdan chiqarildi

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Reportajda Ichki ishlar vazirligi mas’ullarining voyaga yetmaganlar o‘rtasidagi jinoyatchilikning oldini olish bo‘yicha amalga oshirilayotgan ishlar haqidagi ma’lumotlari ham keltirilgan.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Qayd etilishicha, amalga oshirilgan profilaktik tadbirlar natijasida 3 mingga yaqin voyaga yetmagan ichki ishlar organlarining profilaktik hisobidan chiqarilgan.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Shuningdek, tarbiyasida salbiy o‘zgarishlar kuzatilgan o‘quvchilarning bo‘sh vaqtini mazmunli tashkil etish maqsadida 4 mingga yaqin o‘quvchi sport to‘garaklariga, 3 mingdan ortig‘i fakultativ to‘garaklarga, 1 mingdan ortig‘i esa “Barkamol avlod” markazlariga jalb qilingan.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Mutaxassislar fikricha, voyaga yetmaganlar jinoyatchiligining oldini olish faqat huquqni muhofaza qiluvchi organlarning vazifasi emas.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠ Bu jarayonda ota-ona, maktab va jamiyatning ham mas’uliyati mavjud.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Farzandning vaqtini qanday o‘tkazayotgani, kimlar bilan muloqot qilayotgani va uning ruhiy holatidagi o‘zgarishlarni vaqtida payqash jinoyat sodir bo‘lishidan oldin muammoni aniqlashga yordam berishi mumkin.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

Chunki bolani jinoyatdan qaytarishning eng yaxshi vaqti — u jinoyat sodir etganidan keyin emas, balki uning oldini olishdir.⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠

 ⁠⁠‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠‌‌‌‌‌⁠‌‌‌‌‌‌‌‌‌⁠⁠