2026-2027-o‘quv yilidan boshlab aniq va tabiiy fanlar yoʻnalishidagi ixtisoslashtirilgan maktablar quyidagi hududlarda tashkil etiladi. Bu haqda Ixtisoslashtirilgan ta’lim muassasalari agentligi ma’lum qildi.
Quyida yangi tashkil qilinayotgan ixtisoslashtirilgan maktablar ro’yxati keltirilgan:
Buxoro viloyatida – Romitan tuman ixtisoslashtirilgan maktabi;
Fargʻona viloyatida – So‘x tuman ixtisoslashtirilgan maktabi;
Jizzax viloyatida – Mirzacho‘l tuman ixtisoslashtirilgan maktabi;
Samarqand viloyatida – Toyloq tuman 2-son ixtisoslashtirilgan maktabi;
Sirdaryo viloyatida – Xovos tuman ixtisoslashtirilgan maktabi;
Toshkent viloyatida – Toshkent tuman ixtisoslashtirilgan maktabi.
Ushbu maktablarning aniq fanlar yo‘nalishi bo‘yicha 5-, 6-, 7-, 8-, 9-, 10-sinflariga hamda tabiiy fanlar yo‘nalishi bo‘yicha 7-, 8-, 9- 10-sinflariga oʻquvchilar belgilangan kvota doirasida qabul qilinadi.
Eslatma! Avvalroq ixtisoslashtirilgan maktablarda yakuniy davlat attestatsiyasi o‘tkaziladigan fanlari va imtihon shakllari e’lon qilingani haqida xabar bergan edik.
