O‘zbekiston Respublikasi Ichki ishlar vazirligi Akademiyasi 2026/2027-o‘quv yili uchun kunduzgi ta’lim bakalavriatiga qabul bo‘yicha o‘tish ballarini e’lon qildi. O‘tish balli va undan yuqori natija qayd etgan nomzodlar o‘qishga qabul qilingan hisoblanadi.
O‘zbekiston Respublikasi Ichki ishlar vazirligi Akademiyasi 2026/2027-o‘quv yili uchun kunduzgi ta’lim bakalavriatiga nomzodlarni tanlab olish yakunlari bo‘yicha o‘tish ballarini ma’lum qildi.
Hududlar kesimida eng yuqori o‘tish bali Qashqadaryo viloyati IIB nomzodlari uchun 63 ballni tashkil etdi. Eng past o‘tish bali esa Toshkent shahri IIB nomzodlari uchun 50 ball etib belgilangan.
| T/r | Hududiy bo‘linma | O‘tish ballari |
|---|---|---|
| 1 | Qoraqalpog‘iston Respublikasi IIV | 57,25 |
| 2 | Andijon viloyati IIB | 57,5 |
| 3 | Buxoro viloyati IIB | 59,5 |
| 4 | Jizzax viloyati IIB | 57,0 |
| 5 | Qashqadaryo viloyati IIB | 63,0 |
| 6 | Navoiy viloyati IIB | 58,75 |
| 7 | Namangan viloyati IIB | 57,25 |
| 8 | Samarqand viloyati IIB | 55,05 |
| 9 | Sirdaryo viloyati IIB | 58,0 |
| 10 | Surxondaryo viloyati IIB | 58,0 |
| 11 | Toshkent shahar IIBB | 50,0 |
| 12 | Toshkent viloyati IIBB | 55,0 |
| 13 | Farg‘ona viloyati IIB | 57,25 |
| 14 | Xorazm viloyati IIB | 57,0 |
| 15 | Nomzod qizlar (IIVning idoraviy va harbiy akademik litseyi bitiruvchilari) | 64,0 |
| 16 | Boshqa fuqarolar (fuqarolik ta’lim muassasalari bitiruvchilari) – o‘g‘il bolalar | 63,75 |
| Boshqa fuqarolar (fuqarolik ta’lim muassasalari bitiruvchilari) – qizlar | 65,25 | |
| 17 | Raqamli texnologiyalar sohasida jinoyatlarga qarshi kurashish faoliyati ta’lim yo‘nalishi | 32,75 |
| 18 | Ekspert-kriminalistika faoliyati ta’lim yo‘nalishi | 52,43 |
Tegishli vazirlik va idoralar tavsiyanomasiga ega nomzodlar uchun o‘tish ballari:
— Ichki ishlar organlari xodimlari va ularning oila a’zolari farzandlari uchun ajratilgan kvota — 54,0 ball;
— Harbiy xizmatchilar (xodimlar) farzandlari uchun;
- Mudofaa vazirligi — 48,0 ball
- Ichki ishlar vazirligi — 62,0 ball
- Favqulodda vaziyatlar vazirligi — 52,0 ball
- Davlat xavfsizlik xizmati — 45,0 ball
- Prezident davlat xavfsizlik xizmati — 61,0 ball
- Elektron texnologiyalarni rivojlantirish markazi — 77,0 ball
— Milliy gvardiya harbiylari hamda IIV huzuridagi Qo’riqlash departamenti ofitser va serjantlarining tavsiyanoma bergan farzandlari uchun — 45,0 ball;
— ‘‘Tumaris izdoshlari’’ jamoasi guruhlari a’zolari (tavsiyanoma asosida) uchun — 49,0 ball.
Eslatib o‘tamiz, o‘tish balli va undan yuqori ball to‘plagan nomzodlar o‘qishga qabul qilingan hisoblanadi. Ular qachon va qanday tartibda IIV Akademiyasiga yetib kelishlari yuzasidan ichki ishlar organlari orqali xabardor qilinadi.
Shuningdek, 20–22-iyul kunlari IIV Akademiyasida qabul natijalari yuzasidan apellyatsiya komissiyasi faoliyat olib boradi. Nomzodlar natijalar yuzasidan apellyatsiya komissiyasiga murojaat qilishlari mumkin.
