O’zbekiston Respublikasi Vazirlar Mahkamasining “Xalq ta’limi xodimlari mehnatiga haq to’lashning takomillashtirilgan tizimini tasdiqlash to’g’risida” 2005-yil 21-dekabrdagi 275-son qarorida Umumta’lim muassasalari o’qituvchining sinf rahbarligi uchun qo’shimcha haq to’lovlari nazarda tutilgan.
Unga ko’ra mazkur to’lovlar sinfdagi o’quvchilar soniga qarab, mehnatga haq to’lashning eng kam miqdorida nisbatan foiz hisobida amalga oshiriladi.
Ya’ni
15 nafar o’quvchiga ega sinf rahbarligi uchun 26,4 % (hozirgi vaqtda 242 ming 880 so’m),
16 nafardan 20 nafargacha o’quvchiga ega sinf rahbarligi uchun 31,6 % (hozirgi vaqtda 290 ming 220 so’m),
21 nafardan 25 nafargacha o’quvchiga ega sinf rahbarligi uchun 36,9 % (hozirgi vaqtda 339 ming 480 so’m),
26 nafardan 30 nafargacha o’quvchiga ega sinf rahbarligi uchun 42,1 % (hozirgi vaqtda 387 ming 320 so’m),
31 nafar va undan ko’p o’quvchiga ega bo’lgan sinf rahbarligi uchun 52,8 % (hozirgi vaqtda 485 ming 760 so’m).
