Dehlidagi 6 ta maktab elektron pochta orqali bombaga oid elektron tahdid xatini oldi. Bu haqda Hindustan Times xabar berdi.
Bu hodisa hafta ichida ikkinchi marta takrorlangan. Bundan avval, 9-dekabr kuni ham shunga oʻxshash holat sodir boʻlib, 44 ta maktab tahdid xatlari olgan. Ammo politsiya ularni keyinchalik yolgʻon deb topgan edi.
Hodisa tafsilotlari:
Juma kuni ertalab tahdid xabari kelganidan soʻng, bir qancha agentliklar ishtirokida qidiruv ishlari boshlandi. Maktablarda xavfsizlik choralari kuchaytirilib, politsiya, yongʻin xizmati, bomba aniqlash jamoalari va maxsus itlar safarbar qilindi.
Tahdid xati olgan maktablar:
– Bhatnagar International School, Paschim Vihar (soat 4:21)
– Cambridge School, Shri Niwas Puri (6:23)
– DPS Amar Colony, East of Kailash (6:35)
– South Delhi Public School, Defence Colony (7:57)
– Delhi Police Public School, Safdarjung (8:02)
– Venkateshwar Global School, Rohini (8:30).
Tungi soat 12:54 da yuborilgan xatlarda “ota-onalar va oʻqituvchilar uchrashuvi” hamda “sport kuni” faoliyatlari haqida so‘z yuritilgan. Juma hamda shanba kunlari portlash boʻlishi haqida ogohlantirish berilgan. Cambridge School direktori xatni ertalab koʻrib, darhol politsiyaga xabar bergan va vaziyat nazoratda ekanini maʼlum qilgan.
Keyingi chora-tadbirlar:
Ota-onalarga farzandlarini uyda qoldirish yoki ularni maktabdan olib ketish tavsiya qilindi. Baʼzi maktablar vaqtinchalik onlayn darslarni joriy qilgan. Hozirgi kunda politsiya tahdidlarni tekshirish va maktablarda xavfsizlikni taʼminlash ishlarini davom ettirmoqda.
AAAP yetakchisi va Dehli bosh vaziri Arvind Kejrivalning munosabati:
Dehli bosh vaziri Kejrival hodisani qattiq tanqid qilib, ijtimoiy tarmoqda shunday deb yozdi:
“Bu kabi tahdidlar bolalarga va ularning oʻqishiga qanday salbiy taʼsir qilishi mumkin?”
Bu hodisa oldingi haftaning dushanba kuni sodir boʻlgan tahdidlarning takrori boʻlib, oʻshanda ham 44 ta maktab evakuatsiya qilingan edi. Politsiya oʻsha tahdidlarni yolgʻon deb topgan boʻlsa-da, shahar boʻylab xavfsizlik choralari kuchaytirilgan.
