Dual ta’limda faol ishtirok etgan korxonalarga subsidiya va qator imtiyozlar beriladi

Dual ta’limda faol ishtirok etgan korxonalarga subsidiya va qator imtiyozlar beriladi

2027-yildan dual ta’limda faol ishtirok etadigan korxonalarga subsidiya va qator imtiyozlar beriladi.⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠ Xususan, ayrim yo‘nalishlarda talabalar uchun to‘langan ish haqi xarajatlarining 50 foizi korxonalarga subsidiya sifatida qoplanadi.

 ⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

Prezidentning “Oliy ta’limda dual ta’lim shaklida kadrlar tayyorlash tizimini takomillashtirish chora-tadbirlari to‘g‘risida” 2026-yil 29-sentyabrdagi 209-son Farmoni qabul qilindi.⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

2027-yil 1-yanvardan korxonalarga quyidagi yoʻnalishlarda dual taʼlim shaklida tahsil olayotgan har bir talaba uchun toʻlangan ish haqi xarajatlarining 50 foizi oʻquv yili yakunida subsidiya shaklida qoplanadi:⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

  • muhandislik ishi;
  • ishlab chiqarish va ishlov berish;
  • arxitektura va qurilish;
  • qishloq xoʻjaligi taʼlim sohalari.

 ⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

Korxonalarga dual taʼlim shakliga qabul qilgan talabalar soniga mutanosib ravishda “Tadbirkorlik subyektlarining barqarorlik reytingi” platformasida qoʻshimcha ballar beriladi.⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠ Bunda:⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

  • 5 nafardan 25 nafargacha – 5 ball;
  • 25 nafardan 50 nafargacha – 8 ball;
  • 50 nafar va undan ortiq boʻlganda – 10 ball.

 ⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

Davlat xaridlarida ishtirokchilar takliflarini baholashda korxona tomonidan ishlab chiqarilgan mahsulot (tovar, ish, xizmat)larga dual taʼlim shakliga qabul qilgan talabalar soniga mutanosib ravishda quyidagicha:⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

  • 25 nafargacha – 5 foiz;
  • 25 nafardan 50 nafargacha – 10 foiz;
  • 50 nafar va undan ortiq boʻlganda – 15 foiz miqdorida preferensiya beriladi.

 ⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

Korxonalar tomonidan OTM hududida dual taʼlim shakli uchun amaliyot bazasini tashkil etish faoliyatini amalga oshirish uchun olib kelingan jihozlar, uskunalar, laboratoriya jihozlari uchun bojxona boji stavkasi 2030-yil 1-yanvarga qadar 1 foiz etib belgilanadi.⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

Dual taʼlim dasturi boʻyicha amaliy mashgʻulotlar uchun korxonalar tomonidan xarid qilingan oʻquv uskunalari va jihozlarga nisbatan 3 yil muddatga tezlashtirilgan amortizatsiya qoʻllash huquqi beriladi.⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

 ⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠

Avvalroq, dual taʼlim shaklida tahsil olayotgan ayrim talabalarga ijtimoiy stipendiya toʻlanishi haqida xabar berilgandi.⁠⁠‌‌‌‌‌‌‌‌‌⁠‌⁠‌‌‌‌⁠‌‌‌‌‌‌‌‌‌⁠‌‌‌‌⁠⁠